Ásııa Tólesova – 1937 jyly ustalyp, 1938 jyly repressııanyń qurbandary bolǵan uly aqyn Ilııas Jansúgirov pen Oraz Jandosovtyń shóberesi. Ilııas Jansúgirovtyń qyzy Ilfa Jansúgirova men Oraz Jandosovtyń uly Sanjar Jandosov erli-zaıypty bolǵan. Ásııa Tóleshova olarǵa nemere, tıisinshe Ilııas Jansúgirov pen Oraz Jandosovqa shóbere bolyp keledi. Ilfa men Sanjardyń qyzy Janar Jandosova - Ásııanyń anasy.
Ilfa Jansúgirovanyń Facebook paraqshasynda nemeresine qoldaý kórsetken jazba paıda boldy.
"Qymbatty, Asenka! Eshnárse qaramaı myqty bol! Saǵan sabyrlylyq pen bastysy densaýlyq tileımin. Seni jaqsy kóremiz jáne túsinemiz! Seniń ájeń Ilfa Ilııasqyzy Jansúgirova-Jandosova. 21 sáýir 2019 jyl. Almaty", - dep jazdy ol.
Áıgili aqynnyń shóberesi «Qorshaǵan ortany qorǵaý» qoǵamdyq qorynda jumys isteıdi, onda ol ekologııalyq jáne bilim berý jobalarynda jumys atqarady.
Keshe, 21 sáýir kúni ótken Almaty marafonynda Beıbarys Tolymbetov, Ásııa Tólesova jáne Súıinbıke Súleımenova marafonǵa kedergi keltirgenderi úshin ustalǵan edi. Olardy Almaty qalalyq polıııasy "Shyndyqtan qala aımaısyń #Meniń tańdaýym bar #ADILSAILAYUSHIN" dep jazylǵan plakatpen marafonǵa qatysýshylarǵa kedergi keltirdi dep ustap áketken. Osydan keıin sot sheshimimen Ásııa Tólesovamen Beıbarys Tolymbekov 15 kúnge qamaýǵa alynǵan.
Holanews
