Ajaldary kartoptan boldy: Aqmola oblysynda tórt adam jertólede kóz jumdy

1819
Adyrna.kz Telegram

Tórt azamattyń úsheýi jertólede kóz jumdy, al 17 jastaǵy bozbala aýrýhanaǵa bara jatqan jolda qaıtys boldy

 Aqmola oblysynda Tájikstannyń tórt azamaty buzylǵan kartoptyń ıisine ýlanyp óldi.

Derjavın qalasy Jarqaıyń aýdanynda beısenbi keshke 1971, 1975, 1981 jylǵy úsh er adam jáne 17 jastaǵy bozbala jer úıdiń jertólesine kartop almaq bop túsedi. Úsheýi sol mezette birden kóz jumdy, dep habarlaıdy ishki ister mınıstrliginiń tótenshe jaǵdaılar komıteti.

"Úsheýi oqıǵa ornynda kóz jumǵan, al bozbala aýrýhanaǵa barar jolda mert boldy. Marqumdar - Tájikstan Respýblıkasynyń azamattary. Aldyn ala jasalǵan boljam boıynsha, olar shirigen kartoptyń ıisine tunshyǵyp óldi", - delingen habarlamada.

Osy aıdyń basynda ǵana týra osyndaı qaıǵyly oqıǵa Almaty oblysynda bolǵan edi. Tekes aýylynda tórt adam ýlanyp, onyń biri mert bolǵan. Aldyn ala jasalǵan boljam boıynsha, jertóle buzylǵan kartoptan shyqqan ýly gazǵa bógip turǵan, olar sodan tunshyqqan.

 

Pikirler