Keleńsiz jaıt Nursultan Nazarbaev halyqaralyq áýejaıynda bolǵan
Áıgili "Dos Muqasan" tobynyń ánshisi Murat Qusaıynov áýejaı qyzmetkerine qol kóterip, densaýlyǵyna zııan keltirdi, dep habarlady "Eır Astana" áýekompanııasynyń baspasóz qyzmeti.
Baspasóz qyzmetiniń málimetinshe, ánshiniń áreketi jolaýshylarǵa qaýip tóndirgen.
"Ekıpaj músheleri ony ushaqqa otyrǵyzýdan bas tartqan. Ánshi áýekompanııa qyzmetkerleriniń kózinshe jolaýshylarǵa qyzmet kórsetý bólimi basshysynyń mańdaıyna qatty soqqy jasap, onyń densaýlyǵyna zııan keltirdi", - dep habarlady áýejaı qyzmetkerleri.
"Eır Astana" áýekompanııasy jolaýshylardyń zańǵa qaıshy áreketine múlde jol bermeıtinin málim etti.
Kompanııa zardap shekken qyzmetkerine barlyq kómekti kórsetetinin atap ótip, "Dos Muqasan" tobynyń múshesi zań aldynda tıisti jazasyn alatynyn málim etti.
"Áýekompanııa Nur-Sultan qalasy áýejaıyndaǵy polıııa bólimine Murat Qusaıynovty jaýapqa tartý jáne sotqa deıingi tergeý júrgizý jóninde aryz túsirdi", - deıdi áýekompanııanyń baspasóz qyzmeti.
Sputnik.