16-18 sáýir kúnderi birqatar óńirde aýa temperatýrasy tómendeıdi
NUR-SULTAN, 15 sáýir – Sputnik. Sınoptıkterdiń boljamynsha, aldaǵy kúnderi jaýyn-shashyn, jylbysqa qar men tuman túsedi, dep habarlaıdy Sputnik Qazaqstan.
"16-18 sáýir kúnderi birqatar óńirde aýa temperatýrasy mınýs 2-den 10°S-qa deıin tómendeıdi. Ońtústik oblystarda aýa raıy qubylmaly bolady. Ortalyq Azııa aımaǵynan jyljıtyn ıklon men Qazaqstannyń soltústik aımaǵynan keletin sýyq arktıkalyq front yqpalynan jańbyr jaýyp, keı jerlerde qatty naızaǵaı oınaıdy", - dep eskertedi sınoptıkter.
Aýa temperatýrasy ortasha kópjyldyq mánnen 2-6°S-qa tómen bolady, Al ońtústikte normaǵa deıin tómendeıdi.
