Premer-ministr Älihan Smaiylov "Azamattyq qyzmetşılerge, memlekettık biudjet qarajaty esebınen ūstalatyn ūiymdardyŋ qyzmetkerlerıne, qazynalyq käsıporyndardyŋ qyzmetkerlerıne eŋbekaqy töleu jüiesı turaly" Ükımet qaulysyna qol qoidy, dep habarlaidy “Adyrna” ūlttyq portaly.
Qūjatta jazylǧandai, endı myna mamandardyŋ jalaqysy ösedı:
- joǧary jäne joǧary oqu ornynan keiıngı bılım beru ūiymdarynan basqa bılım beru ūiymdarynyŋ pedagogterı:
- mädeniet jäne öner salasyndaǧy erekşe märtebesı bar joǧary jäne joǧary oqu ornynan keiıngı bılım beru ūiymdarynyŋ professor-oqytuşylar qūramyn jäne basşy qyzmetkerlerı;
- stasionarlyq jäne jartylai stasionarlyq ülgıdegı medisinalyq-äleumettık mekemelerdıŋ, üide qyzmet körsetu, uaqytşa bolu ūiymdarynyŋ, jūmyspen qamtu ortalyqtarynyŋ basqaruşy, negızgı personalynyŋ jūmyskerlerı;
- medisina jäne farmasevtika qyzmetkerlerın qospaǧanda, azamattyq qyzmetşılerdıŋ, memlekettık biudjet qarajaty esebınen ūstalatyn ūiym qyzmetkerlerınıŋ, qazynalyq käsıporyn jūmyskerlerı.
Qaulyǧa sai, atalǧan sanattaǧy qyzmetkerlerdıŋ lauazymdyq ailyqtary endı kelesı koeffisientterdı qoldana otyryp esepteledı:
- 2022 jylǧy 1 qaŋtardan bastap 1,23 mölşerınde;
- 2023 jylǧy 1 qaŋtardan bastap 1,45 mölşerınde;
- 2024 jylǧy 1 qaŋtardan bastap 1,71 mölşerınde;
- 2025 jylǧy 1 qaŋtardan bastap 2,0 mölşerınde.
Al, Qorǧanys ministrlıgınıŋ joǧary jäne joǧary oqu ornynan keiıngı bılım beru ūiymdary pedagogterınıŋ jalaqysy myna koeffisientterdı qoldana otyryp köterıledı:
- 2023 jylǧy 1 qaŋtardan bastap 2,32 mölşerınde;
- 2024 jylǧy 1 qaŋtardan bastap 2,74 mölşerınde;
- 2025 jylǧy 1 qaŋtardan bastap 3,2 mölşerınde.
Qauly 1 tamyzdan bastap küşıne enedı jäne ol biyl 1 qaŋtardan bastap tuyndaǧan qūqyqtyq qatynastarǧa qoldanylady.
Ūqsas jaŋalyqtar
