Aısultan Nazarbaev tegin Rahat dep ózgertip tastady

2809
Adyrna.kz Telegram

Buǵan qosa, Nazarbaevtyń jıeni feısbýktegi otbasylyq jaǵdaıy týraly aqparatty "ajyrasqan" dep ózgertken. Bul týraly Sputnik habarlaıdy.

Qazaqstannyń tuńǵysh prezıdenti – Elbasy Nursultan Nazarbaevtyń jıeni Aısultan Nazarbaev feısbýktegi jeke paraqshasynda tegin Rahat dep ózgertti.

Aısultan Nazarbaev feısbýk áleýmettik jelisinde aty-jónin Aısultan Rahat (Aisultan Rakhat) dep, al otbasylyq jaǵdaıyn "ajyrasqan" dep ózgertken.

Ondaǵy málimetke súıensek, tuńǵysh prezıdenttiń jıeni osy jyldyń 5 aqpanynda ajyrasqan.

Aısultannyń "Nazarbaev" teginen bas tartqany týraly tanymal blogerler de jelide jazyp jatyr.

Keshe Aısultan Nazarbaev áleýmettik jelide vıdeo jarııalap, Qaǵbany aınalyp júrgenin kórsetken bolatyn.

Aıta ketsek, Aısultan Nazarbaev – Darıǵa Nazarbaeva men Rahat Álıevtiń ekinshi uly. Ony buqaralyq aqparat quraldary kóbinese "prezıdenttiń súıikti jıeni" dep ataıdy.

1990 jyly 26 tamyzda ómirge kelgen. Bala kezden fýtbolǵa qyzyǵady. 2006 jyly Qazaqstannyń jasóspirimder quramasynyń sapynda Eýropa chempınatynyń irikteý týrnırine qatysady. "Chelsı" jáne "Portsmýt" jastar komandalary men qazaqstandyq "Astana" komandasynda oınaǵan.

Aısultan Nazarbaev otbasymen
© FOTO : ÁLEÝMETTIK JELIDEN ALYNDY
Aısultan Nazarbaev otbasymen

2013 jyly "QazRomGaz" AQ basshysy Qaırat Boranbaevtyń qyzyna úılengen edi. Aısultannyń jary bolǵan Alıma – belgili akter Ánýar Boranbaevtyń nemeresi.

2016 jyldyń jazynda eki jastyń otbasynda Amelı esimdi qyz dúnıege keldi.

 

Pikirler