Shymkentte Rámizder kúniniń qurmetine birneshe is-sharalar ótip jatyr. Solardyń biri 23 myń jankúıerdiń Ánurandy birge qosyla shyrqaǵanymen erekshelense, birinde avto jáne velosherýmen jalǵasyp jatty.
Al Táýelsizdik saıabaǵyndaǵy Rámizder alańynda Ánuran shyrqalyp, kók Týdy áýeletip, egemendiktiń basty belgilerine qurmet kórsetildi. Is-sharaǵa áskerıler, kúshtik qurylym basshylyǵy, depýtattar, ardagerler, zııaly qaýym ókilderi, jastar men qala turǵyndary qatysty.
Merkelik is-sharada patrıottyq ánder oryndalyp, áskerı orkestrdiń mýzykanttary óner kórsetti. Ásirese, ardagerler birge qosylyp shyrqaǵan patrıottyq ánder kópshilikti súısintti. Merekege qatysqan ár shymkenttiktiń qolyndaǵy kók jalaýlary rýhty kóterdi.
Patrıottyq is-shara aıasynda Ordabasy alańynan Báıdibek bı eskertkishine deıin Memlekettik týdy jelbiretken 50 avto men 80 velosherý kóshelermen júrip ótkeni de qala turǵyndaryna rýh berip, merekelik kúnniń abyroıyn asqaqtatty.
