11 sáýirde Sýdan qorǵanys mınıstri memlekettik telearnadan málimdeme jasap, el prezıdenti Omar ál-Bashırdiń bılikten ketkenin málimdedi.
Sýdan qorǵanys mınıstri Ahmed Avad ıbn Aýf telearna arqyly 1989 jyly bılikke kelgen Bashır rejıminiń qulaǵanyn jarııalap, eldi bılik tranzıti ýaqytynda, ıaǵnı eki jyl kóleminde áskerıler basqaratynyn málimdedi.
Mınıstrdiń aıtýynsha, Bashır qamaýǵa alynǵan. Áskerıler elde úsh aı tótenshe jaǵdaı jarııalady. Eldegi barlyq áýejaı 24 saǵatqa jabyldy. Ahmed Avad ıbn Aýftyń málimdeýinshe, Bashır qol qoıǵan 2005 jylǵy Konstıtýııa kúshin joıady.
Sýdan astanasy Hartýmda myńdaǵan adamnyń qorǵanys mınıstrligi ǵımaraty mańynda jınalyp turǵanyna osymen altynshy kún boldy. Kýágerler áskerılerdiń qaladaǵy eń mańyzdy nysandardy qorshaǵanyn, onyń arasynda prezıdent saraıy da bar ekenin aıtady.
Eldi 30 jyl basqarǵan prezıdent Omar ál-Bashır rejımine qarsy narazylyq sharalary ótken jyldyń jeltoqsan aıynda bastalǵan. Áýel basta narazy turǵyndar azyq-túlik baǵasyn arzandatýdy talap etken. Keıinirek narazylyq akııasy saıası sıpat aldy. Ótken senbi, 6 sáýirde narazy azamattar prezıdent otstavkasyn talap etip, áskerılerdi ózderin qoldaýǵa shaqyrdy.
Qorǵanys mınıstri málimdeme jasardyń aldynda Soltústik shtatynyń óndiris jáne ekonomıkalyq resýrs mınıstri Darfýr Madjýb Hýseın Al-Hadath telearnasyna "prezıdent ál-Bashır otstavkaǵa ketken soń bılikke ıe bolatyn áskerı keńesti qurý boıynsha jıyn ótip jatqanyn" aıtqan.
Baj News agenttigine silteme jasaǵan halyqaralyq BAQ eldiń qorǵanys mınıstri jetekshilik etetin Sýdannyń áskerı keńesi bılikti qolyna alýǵa daıyndalyp jatqanyn habarlaǵan.
Omar ál-Bashır 1989 jylǵy áskerı tóńkeristen keıin bılikke kelgen. Halyqaralyq sot ony Sýdannyń Darfýr provınııasyndaǵy qantógiske qatysy bar dep aıyptaıdy. Bashır aıypty joqqa shyǵarady.
2019 jyly qańtar aıynda The Times basylymy Hartýmdaǵy narazylyqty basýǵa reseılik jaldamalylar qatysýy múmkin ekenin jazǵan. Keıinirek Reseıdiń syrtqy ister mınıstrligi Sýdanda reseılik jaldamalylardyń bar ekenin rastaǵan.
Oppozıııa men quqyq qorǵaýshylar tórt aıdan berip bolyp jatqan bılikke qarsy narazylyq kezinde 60 adamnyń qaza tapqanyn, myńdaǵan adamnyń ustalǵanyn habarlady.
"Azattyq" radıosy
