AQSh prezıdenti Donald Tramp Qyrǵyzstannyń AQSh pen Kanadadaǵy elshisi Bolot Otýnbaevpen kezdesýinde Qyrǵyzstannyń Ortalyq Azııa aımaǵyndaǵy róline joǵary baǵa bergen.
Tramptyń sózinshe, "Demokratııa qundylyqtaryn taratý máselesinde Qyrǵyzstan Ortalyq Azııada jetekshi ról atqarady jáne Qyrǵyzstan álemdegi qaýipsizdik pen demokratııany damytýǵa úles qosa alady".Bul týraly Qyrǵyzstan syrtqy ister mınıstrligi habarlaǵan.
Tramptyń sózinshe, Vashıngton eki el arasyndaǵy baılanysty nyǵaıtý úshin jumys isteýge daıyn. Qyrǵyzstan da AQSh-pen qatynasyn nyǵaıtýǵa múddeli ekenin bildirgen.
Batys elderi tarapynan Qyrǵyzstannyń saıası júıesine baılanysty buryn da birneshe ret joǵary baǵa berilgen. Halyqaralyq sarapshylar Qyrǵyzstandy "Ortalyq Azııadaǵy demokratııa araly" dep sıpattaǵan.
"Azattyq" radıosy
