Aıaqdopshylarymyz alyp júrgen aılyqtaryn aqtaıdy ma?
Osydan eki-úsh jyl buryn fýtbol týraly biraz maqalalar jazyp, ishki birinshilikti biraz zerttep, birsypyra fýtbolshylarmen, bapkerlermen jáne fýtbol agentterimen tanysyp, áńgimelesken edim. Sodan qazaq fýtboly týraly birshama aqparatpen sýsyndap aldym.
Sol áńgimelerden keıin kókeıimde "Fýtbolshylarymyz alyp júrgen aılyqtaryn aqtaıdy ma?" degen suraq qalyp qoıdy. Shynyndy, bizdiń fýtbolshylar óte kóp jalaqy alatyn sııaqty.
Birden aıtaıyn, men sóılesken kisilerdiń barlyǵy jalaqy týraly naqty dóp basyp "aılyq mynadaı" dep aıtpaıdy. Barlyǵy shamalap aıtady. Kóbisi tipti ol týraly áńgimeleskisi kelmeıdi. Sondyqtan mende jalaqy týraly naqty qujat joq.
Sonymen, meniń estigenim boıynsha QPL-da alańǵa shyqpasa da, oıynǵa qatysýǵa múmkindigi bar degen tizimge engen jas fýtbolshynyń ózi 1-3 myń dollar kóleminde aqsha alady. Eger alańǵa shyqsa taǵy kóbeıedi.
Al negizgi quram oıynshylarynyń ortasha jalaqysy 20 myń kók qaǵazdan bastalady. Bul qazaqstandyń fýtbolshylardyń eńbek aqysy. Al, shet elden kelgenderiń aılyq nápáqasy 30 myń dollardan bastalady. Mundaı aqshalardy birinshiliktegi ortańqol, ekinshi altylyqta júretin komandalar tóleıdi.
Birinshi altylyqta júrgen klýbtardyń qazaqstandyq fýtbolshylary 40 myń men 100 myń dollardyń arasynda alady. Legıonerleri 50-150 arasynda.
Oǵan taǵy bonýstar qosylady. Qosymsha syıaqy árbir oıyn úshin bolýy múmkin. Negizinen gol soqqan fýtbolshyǵa jáne jeńiske jetken komandanyń oıynshylaryna, syıaqy 1 myń dollardan bastalyp, 10 myńǵa deıin jetedi. Syıaqyny bizdiń fýtbolshylar eýropalyq dodalardaǵy oıynda jeńiske jetse kóp alady.
Endi qarańyzdar. Elimizde muǵalimderdiń, dárigerlerdiń, quqyq qorǵaý qyzmetkerlerińiń, memlekettik qyzmetkerlerdiń jalaqysy 50 myń teńge men 200 myńnyń ortasynda. Onyń birazy ártúrli sebeptermen ártúrli "jınaý" jumystaryna ketedi. Sonda olar ortasha eseppen 100 myńdaı ǵana alatyn shyǵar. Sosyn olar "levyıǵa" kóshedi.
Endi osynyń barlyǵyn ózi shamaly isteıtin mıyma salyp oılanyp, taǵy mynadaı suraq keledi. Bizge fýtbolshylar kerek pe, álde bilim beretin, densaýlyǵyńdy túzeıtin mamandar kerek pe? Sizge she?
Rasynda, bizdiń fýtbolshylar alyp júrgen aılyqtaryn aqtap júr me? Siz qalaı oılaısyz?
Osyǵan kelgende kóbisi shet el fýtbolshylarymen salystyrady. Aınalaıyndar-aý, ol fýtbolshylarmen salystyrý úshin, bizdiń fýtbolshylar solar sııaqty dop teýip alsynda aldymen.
Qurysyn, ne dep kettim. Artyq aıtsam keshir meni xalqym!
Ýálıhan Qosanbaı
