Dastan Turdaly - Almaty qalasy Oqýshylar saraıynyń bilim alýshysy.
Almatyda tarıhtaǵy tuńǵysh Respýblıkalyq balalar shyǵarmashylyq «Jas qanat. Balalar – 2023» baıqaýy 1 maýsymda Respýblıka saraıynda ótti. Osy baıqaýda «Vokal» nomınaııasy boıynsha Almaty qalasy Oqýshylar saraıynyń tárbıelenýshisi Dastan Turdaly «Samal Taý» qazaq halyq ánimen Gran-prı ıegeri atandy. Endi ol shildede «Medeý» muz aıdynynda ótetin «Azııa daýysy» halyqaralyq festıvalinde Qazaqstannyń namysyn qorǵaıdy.
Júldeli oryndar tómendegideı bólindi: 1-oryndy Túrkistan oblysynan Zere Júnisbaı, 2-oryndy mańǵystaýlyq Ámına Asgatova jáne 3-oryndy Aqtóbe oblysynan Balym Nsanaly ıelendi. Jeńimpazdarǵa altyn, kúmis jáne qola qanattardan bólek, aldaǵy «Azııa daýysy» halyqaralyq festıvaline daıyndyq jumystary úshin Almaty qalasynyń ákimi Erbolat Dosaevtyń aqshalaı granttary tabys etildi.
-Gran-prı alǵan kezde men qatty qýandym jáne tolqyp kettim. Mýzykaǵa alǵashqy qadamymdy 3 jasymda bastaǵan edim, vokalǵa 5 jasymnan bastap bardym. Sodan beri kóptegen respýblıkalyq jáne halyqaralyq baıqaýlarǵa qatystym. Osyndaı jetistikterge jetýime ata-anam, Oqýshylar saraıynyń ustazdary kómektesti. Bolashaqta alǵan betimnen qaıtpaı, óz kýmırim Dımash aǵa sııaqty stadıondarda, úlken sahnalarda óner kórsetýdi armandaımyn,- deıdi Dastan Turdaly.
Baıqaýdy uıymdastyrýshylardyń aıtýynsha, «Jas qanat. Balalar – 2023» ańyzǵa aınalǵan «Jas qanat» baıqaýynyń tarıhyndaǵy jańa baǵyt bolmaq. Elimizdiń barlyq oblysynan kelgen 22 úmitkerdiń ónerin respýblıkalyq estrada sheberi Álibek Dinishev, «Jas qanat» baıqaýynyń birinshi Gran-prı ıegeri Medeý Arynbaev, Jánııa Áýbákirova, Baıǵalı Serkebaev jáne basqa da belgili mádenıet jáne óner qaıratkerleri baǵalady.
