Bırıkken Arab Ämırlıgınde "ROP operatorynyŋ" būrynǧy qūryltaişysy Şynar Mūhtarova ūstaldy, dep habarlaidy "Adyrna" portaly. Būl turaly Qazaqstan Respublikasynyŋ sybailas jemqorlyqqa qarsy agenttıgı mälımdedı.
«Izdeude jürgen "ROP operatory" basşysy BAÄ-de ūstaldy. Sybailas jemqorlyqqa qarsy qyzmet būǧan deiın «ROP operatory» JŞS būrynǧy qūryltaişysy Mūhtarova Ş. ızdeude bolǧan bolatyn" delıngen habarlamada.
Ol Dubai qalasynda ūstalyp, İnterpoldyŋ kömegımen Bırıkken Arab Ämırlıkterınıŋ uäkılettı organdarymen qamauǧa alyndy.
«Qazırgı uaqytta Qazaqstan Respublikasynyŋ Bas prokuraturasy ony ekstradisiialau räsımın jürgızıp jatyr», - delıngen aqparatta.
Aita keteiık, Şynar Mūhtarovany eks-prezident Nūrsūltan Nazarbaevtyŋ kenje qyzy Äliia Nazarbaevanyŋ jaqyn adamy degen aqparat aitylǧan bolatyn. Keide ony Nazarbaevanyŋ üi qyzmetşısı deitın.
Eske salaiyq, "Antikor" kompaniianyŋ būrynǧy qūryltaişysy Şynar Mūhtarovaǧa ızdeu jariialaǧan. Ol 2017-2018 jyldary utilizasiia alymy jinaǧynan Ekologiialyq kodekstıŋ talaptaryn būza otyryp, 920 mln teŋge mölşerınde zaŋsyz dividend aldy dep aiyptalyp, üstınen qylmystyq ıs qozǧalǧan.
Sondai-aq, Astana qalasynda aǧymdaǧy jyldyŋ 17 säuırde "ROP operatory" kompaniiasynyŋ būrynǧy basşylyǧy men ekologiia ministrınıŋ orynbasaryna qatysty sot ısı bolǧan bolatyn. Sybailas jemqorlyqqa qarsy ıs-qimyl agenttıgı "ekologiia ministrlıgı men "ROP operatory" JŞS lauazymdy adamdary 180 mlrd teŋge ūrlap, qarjyny qoqys örteitın alty zauyt salatyn kompaniiaǧa audarmaq bolǧanyn" anyqtaǧan. Küdıktıler sotta taǧylǧan aiypty moiyndamaityndaryn jetkızdı.
Ūqsas jaŋalyqtar
