Shanhaı yntymaqtastyǵy uıymyna múshe elderdiń basshylary bas qosqan keńeske qatysqan Qazaqstan Prezıdentdi Qasym-Jomart Toqaev ekologııa salasyna qatysty birqatar máselelerdi kóterńp, ózara baılanystardy nyǵaıtýdy usyndy, dep habarlaıdy "Adyrna" ulttyq portaly Aqordaǵa silteme jasap.
«Ekologııalyq kún tártibin ilgeriletpeı, ornyqty ekonomıkalyq ósimge qol jetkizý jáne qoǵamnyń ál-aýqatyn arttyrý múmkin emes. Ókinishke qaraı, sý tasqyny, qýańshylyq, órt, sýdyń jáne topyraqtyń lastanýy sekildi túrli tabıǵı kataklızmder aıtarlyqtaı kóbeıgenin baıqap otyrmyz. Osy rette Qazaqstan qorshaǵan ortany qorǵaý problemasyn sheshý úshin kúsh biriktirýdi kózdeıdi, - dedi Toqaev.
Munymen qosa alǵanda, Toqaev ekologııalyq máseleler boıynsha birqatar mindetterge basa nazar aýdarý qajet ekendigin aıtty.
- Biz mynadaı mindetterge basa nazar aýdarý qajet dep sanaımyz: ShYU men BUU-nyń Qorshaǵan orta jónindegi baǵdarlamasy arasynda seriktestik baılanys ornatý; Qorshaǵan ortany qorǵaý salasyndaǵy yntymaqtastyq týraly kelisimdi ázirleý; Erekshe qorǵalatyn tabıǵı aýmaqtardy jáne ekologııalyq týrızmdi damytý jónindegi yntymaqtastyq baǵdarlamasyn qabyldaý.
Bul sharalardyń barlyǵyn búgin qabyldanatyn Deklaraııada bekitilgen ShYU-nyń Ekologııa jyly aıasynda uıymdastyrýdy usynamyn», - dedi Prezıdent.
"Adyrna" ulttyq portaly
