Ulttyq ekonomıka mınıstrligi apparatynyń basshysy qyzmetine Oljas Syzdyqov taǵaıyndaldy, dep habarlaıdy “Adyrna”.
Elimizde birqatar kadrlyq aýys-túıister oryn alyp jatyr. Oljas Syzdyqov Ulttyq ekonomıka mınıstrligi apparatynyń basshysy bolyp taǵaıyndalǵany belgili boldy.
Ol 1987 jyly elınogradta ómirge kelgen.
2008 jyldan bastap S. Seıfýllın atyndaǵy Qazaq agrotehnıkalyq ýnıversıtetiniń Topyraqtaný jáne agrohımııa kafedrasynyń laboranty, 2010-2012 jyldary – QR Aýyl sharýashylyǵy mınıstrligi Eginshilikti damytý jáne fıtosanıtarııalyq qaýipsizdik departamentiniń sarapshysy; menedjeri bolǵan.
2012-2013 jyldary – QR Ekonomıkalyq damý jáne saýda mınıstrligi Ekonomıka salalaryn damytý departamenti Ónerkásipti, aýyl sharýashylyǵyn jáne ekologııany damytý basqarmasynyń sarapshysy, 2013-2014 jyldary – osy salanyń basshysy, 2014-2019 jyldary – QR Ulttyq ekonomıka mınıstrligi Ekonomıka salalaryn damytý departamenti basqarmasynyń basshysy, dırektorynyń orynbasary.
2019 jylǵy qarasha aıynan bastap qazirgi ýaqytqa deıin QR Ulttyq ekonomıka mınıstrligi Ekonomıka salalaryn damytý departamentiniń dırektory bolyp qyzmet etken.
