Ol jańa eńbeginde jastar arasyndaǵy qoǵam dertine aınalǵan ózekti máselelerdi jazǵan.
Almatyda jas qalamger Jámılıa Baqtııarqyzynyń jańa kitabynyń tusaýkeser rásimi ótti.
Ózi aqyn, ózi jazýshy arýdyń týyndysy «Qarlyǵash mahabbat eskertkishi» dep atalady. Ol jańa eńbeginde jastar arasyndaǵy qoǵam dertine aınalǵan ózekti máselelerdi jazǵan. Al qalamgerdiń ustazy onyń oqýǵa kishkentaıynan zerek bolǵanyn aıtady.
«Mektep kezden óte jaqsy oqıtyn, meniń oqýshym bolǵan. Bilimge degen qushtarlyǵy óte joǵary bolatyn. Óziniń zerektigi arqasynda mynandaı keremet týyndylar ómirge kelip otyr», – dedi Qazaqstannyń eńbek eri Aıagúl Mırazova.
Jámılıa Baqtııarqyzynyń eki jyl buryn jaryq kórgen tyrnaqaldy týyndysy álemniń 6 tiline aýdarylǵan. Alǵashqy eńbeginde 10 jyl janyn qınaǵan dertpen alysa júrip, basynan keshken talaı sátterin qaǵazǵa túsirgen jas jazýshynyń órshil, tabandy minezi oqyrmannyń kóńilin tolqytqan edi.
«Jámılıa óziniń jan dúnıesimen, ómirden kórgeni bar, bilgeni bar, kórgen qıyndyǵy men qýanyshtaryn qaǵaz betine túsirip júretin. Sonyń barlyǵy «Báısheshek» kitabynda jazylǵan. Al endi «Qarlyǵash mahabbat eskertkishi» týyndysy – basqa», – dedi Qazaqstannyń eńbek sińirgen qaıratkeri Asyly Osman.
