"ZamZam Qazaqstan" qajylyq kompaniiasy arqyly ülken qajylyqqa attanǧan bır top qazaqstandyq jalǧan vizaǧa aldanyp, qūjatsyz tentırep jür, dep jazady "Adyrna" tılşısı. Būl turaly redaksiiamyzǧa kelıp tüsken şaǧymda aityldy.
"ZamZam Qazaqstan" qajylyq kompaniiasy arqyly ülken qajylyq turyn satyp alǧan B. esımdı azamatşa "Adyrna" redaksiiasyna habarlasyp, ata-anasynyŋ qajylyqqa attanyp, qūjatsyz qalǧanyn, kompaniianyŋ "aldap soqqanyn" habarlady. Jäbırlenuşı taraptyŋ aituynşa 21 mausym künı Almaty-Şardja baǧytynda "Air Arabia" äue kompaniiasy arqyly attanǧan bır top qajylarǧa atalǧan qajylyq kompaniiasy jalǧan viza daiyndap bergen. Saud Arabiiasynyŋ poliseilerı Mekke qalasyna avtobuspen attanǧan qazaqstandyqtardyŋ qūjattaryn tekseru barysynda zaŋsyz qūjat tırkep, 120 adamdy qamauda ūstap otyr deidı.
"Neşe künnen berı när tatpaǧan. Ata-apalar, onyŋ ışınde menıŋ de äke-şeşem künnıŋ ystyǧynda tentırep jür. Turistık vizamen ketken bolatyn. Sol jaqqa jetken soŋ qajylyq viza alamyz degen bolatyn. Bıraq almaǧan. Üş millionǧa juyq qarajat töledık. Bızdıŋ qarajatymyzdy alyp, aldap soǧyp otyr, Kompaniianyŋ basşysyna jazsaq, jauap bermeidı. Gidter telefondaryn almaidy" dedı. B. esımdı azamatşa.
Atalǧan qajylyq kompaniianyŋ basşysy jäbırlenuşı taraptyŋ aitqany būrmalanǧan dep jauap berdı redaksiia saualyna.
"Ūstalǧan ekı avtobustaǧy qazaqstandyqtardyŋ qolyndaǧy jalǧan vizany müftiiattaǧy qandai adam jasatqany belgısız. Bızdı jyǧyp salyp otyr. Ūzaq zertteluı kerek mäsele" dedı Daniiar İleev.
Polisiia ıstı älı tırkemegenı jäne jäbırlenuşı taraptyŋ aryzyn tolyq qaramaǧany aityldy.
Jaǧdaidyŋ anyq-qanyǧy älı de naqtylanuda. Oqiǧaǧa qatysty tyŋ aqparattar qosymşa habarlanady.
Eske sala keteiık, būǧan deiın "Käusar trevel" qajylyq kompaniiasynyŋ basşysy 1000-nan asa adamnan qarjy jymqyryp, aldap soqqany aitylǧan bolatyn. Keiınnen kompaniia basşysy Medet Mūratbaiūly Almatydaǧy jaldamaly päterlerdıŋ bırınde ūstaldy.
Posmotret etu publikasiiu v Instagram
