Tanymal qazaqstandyq aýyr atlet Vladımır Sedov ózine qol jumsady. Bul týraly Jetisý oblysynyń Polıııa departamenti aıtty, dep habarlaıdy «Adyrna» tilshisi.
35 jastaǵy sportshynyń denesi Qaratal aýdany Dostyq aýylynda turatyn jerinen tabyldy.
«26 maýsymda saǵat 22.05 shamasynda Sedov Vladımır Vladımırovıch sýııd jasaǵany týraly habarlama keldi. Atalǵan derek Qylmystyq kodekstiń 105-baby 1-bóligi boıynsha tirkeldi. Onyń denesinde zorlyq-zombylyqpen ólim belgileri bolǵan joq. Týystarynyń aıǵaqtaryna sáıkes, er adam óz-ózine qol jumsady»,—dep túsindirdi basqarma.
Aıta keteıik, Vladımır Sedov — Qazaqstan Respýblıkasynyń eńbek sińirgen sport sheberi, 2008 jylǵy Olımpıadanyń qatysýshysy. Ol aýyr atletıkadan Qazaqstannyń birneshe dúrkin chempıony boldy.
