AQSh tarapy "Vagnerge" qarsy sankııalardy toqtata turýǵa yqylas tanytyp otyrǵany sheteldik BAQ-ta jazyla bastady. Mundaı sheshimge Prıgojınniń búligi sebep bolǵan, dep habarlaıdy "Adyrna" ulttyq portaly.
AQSh bıligi Evgenıı Prıgojınniń Kremlge qarsy kóterilis jasaǵanyna baılanysty tosyn sheshimderge baryp, "Vagner"-ge qarsy jańa sankııalar engizýdi keıinge qaldyrýǵa nıetti. Bul týraly Wall Street Journal aqparat arnasy habarlady.
Sankııalar 27 maýsymda "Vagner" jasaǵyna kisen salýy tıis bolatyn, biraq Vashıngton jaǵy olardy keıinge qaldyrýǵa sheshim qabyldady. Mundaı sheshim Reseı bıligin qoldap, birjaqty saıasat ustanǵandaı kórinbeý úshin qabyldanǵany aıtyldy.
Jańa sankııalar Prıgojınniń Afrıka elderindegi, naqty aıtqanda Lıvııa, Malı jáne Sýdandaǵy bıznesimen baılanysty bolatyn. Basylymnyń jazýynsha, "Vagner" bul elderdegi tabıǵı resýrstardyń naryq aınalymǵa túsýine áskerı sıpatta kómek kórsetedi.
"Adyrna" ulttyq portaly
