AQSh prezıdenti Djo Baıden amerıkalyq ánshi, án jazýshy, prodıýser, dızaıner jáne aktrısa Ledı Gagany prezıdent janyndaǵy óner jáne gýmanıtarlyq ǵylymdar komıtetiniń teń tóraǵasy etip taǵaıyndady. Bul týraly aqparat Aq úıdiń saıtynda jarııalanǵan.
«Prezıdent Baıden Prezıdent janyndaǵy Óner jáne gýmanıtarlyq ǵylymdar komıtetine kelesi tulǵalardy teń tóraǵalar etip taǵaıyndaý nıetin málimdedi: Brıýs Koen, Ledı Gaga», - delingen prezıdenttiń baspasóz qyzmeti taratqan habarlamada.
Sondaı-aq saıtta ánshiniń ómirbaıany jarııalanǵan. 37 jastaǵy Ledı Gaga (shyn aty Stefanı Djoan Andjelına Jermanotta) Gremmı syılyǵynyń ıegeri jáne tarıhtaǵy kommerııalyq jaǵynan eń tabysty oryndaýshylardyń biri. Ol qaıyrymdylyq jáne áleýmettik naýqandarǵa belsendi qatysady.
