QR Densaýlyq saqtaý mınıstri Eljan Birtanov myrzaǵa!
Shymkenttegi «Juqpaly aýrýlar aýrýhanasynda» dárigerlerdiń qolymen jasalǵan oqys jaǵdaı
Qurmetti, mınıstr E.Birtanov Myrza!
Biz sizge tómende atalǵan Shymkent qalasy, «Juqpaly aýrýlar aýrýhanasynda» oryn alǵan adamnyń aqylyna syımaıtyn oqys jaǵdaıdyń oryn alýy boıynsha baıandaımyz. Medıınanyń atasy atanǵan ejelgi grek dárigeri, kóne medıına reformatory Gıppokrat (Ἱπποκράτης) bylaı degen eken: «Óziniń ónerin zulymdyqtyń ónerine aınaldyratyn adamdar da bolady nemese qarsy jaǵdaıdaǵy emdeý isi qarsy nátıjege uryndyrady» - degen eken. Ózińiz biletindeı, Gıppokrat antyn qabyldaıtyn árbir dáriger adamzattyń balasyna, halyqqa, eline, azamattar men balalardyń densaýlyǵy syrqattanǵanda adal qyzmet etýge, memleketke de adal jumys jasaýǵa ant beredi. Olardyń barlyǵy da sol qyzmeti úshin biz ben siz memleketke tólegen salyqtan ózderine tıesili jalaqy alyp otyr.
Meniń sizge arnaıy hat jazýyma tómendegideı oqys jaǵdaı sebep boldy. 25.03.2019 kúni meniń týǵan baýyrym Erbolat Samenovtyń kishi uly Nurıslam Taspolat syrqattanyp jedel járdem arqyly Shymkent qalalyq «Juqpaly aýrýlar aýrýhanasyna» túsken bolatyn. Densaýlyǵy qaýipti jaǵdaıda bolǵan joq, azdap qusyp, mazasyzdanǵan edi. Arada az ýaqyt ótkennen keıin aýrýhanada jatqan balanyń densaýlyǵy qalypty jaǵdaıǵa keldi. Azdap qana temperatýrasy kóterildi. Keıinnen temperatýrasy da qalpyna keldi. Qaýiptenetin eshqandaı da jaǵdaı bolǵan joq. Úsh kún ótkennen keıin, ıaǵnı, 28.03.2019 kúni balaǵa úlken dáretin shyǵarý boıynsha saǵat 15:30 da klızma jasaldy. Nurıslamǵa klızma jasalǵanda janynda anasy Araınur Qalmaqan ózi bolǵan. Adamnyń oıyna kelmeıtin masqaranyń barlyǵy osy kezde oryn aldy. Sonda álgi dárigerler balamyz Nurıslamǵa qaınaǵan sýmen klızma jasap, aýyr jaraqatqa tap qyldy. Bala shyrqyrap jylaǵanda anasy Araınurdyń aıaǵyna qaınaǵa sý tıip ketedi. Balanyń quıryǵyn kúıik shalǵan. Qaınaǵan sý ishke qaraı ótip ketken. Úlken dáreti shyqpaı, áli shyrqyrap jylap jatyr. Onyń ornyna qan shyǵyp jatyr. Biz onyń barlyǵyn beınejazba men fotoǵa túsirip qoıǵanbyz. Derek retinde, dálel retinde qolymyzda tur. Kishkentaı nárestege qaınaǵan sýmen jasalǵan klızmadan keıin onyń densaýlyǵy qaıdan ońsyn? Balamyz sońǵy kezde qatty mazasyndanyp ketti. Jaǵdaıy burynǵydaı emes. Ata-anasy shyr-pyr bolyp júgirip júr. Bizge de aýyr tıip otyr. Bilimi men biligi bar qandaı dáriger osyndaı bassyzdyqqa barady? Osy jaǵdaıǵa kóz juma qaraý múmkin be? Kóz juma qaraıdy dep oılamasyn. Jasy birge endi kelgen náresteni osynshama qorlaǵany qalaı? Sol adamdardyń ózderi qorlanyp qalatynymen jumystary joq pa, álde olarda bala joq pa? Dıplomnyń bárin aqshamen satyp alyp, jumys jasaǵannyń jemisi osy shyǵar. Biz elimizdi álemniń damyǵan, básekege qabiletti 30 eliniń qataryna qosamyz dep jatyrmyz. Sonda osyndaı mamandar arqyly qalaı órkenıetti el bolmaqpyz?! Sonda bul «Juqpaly aýrýlar aýrýhanasynda» balalardy emdeıtin emes, jaraqattaıtyn, ómirine qaýip tóndiretin bilimsiz, biliksiz dárigerler jumys jasap otyrǵany aıdan anyq dúnıe.
Balaǵa klızma jasalǵanda bólmede mynaý dárigerler bolǵan:
Bólim meńgerýshisi: Jábikenova Gúljan Danııarqyzy
Orynbasary: Aǵabaev Marat Almahanbetuly
Medbıke: Baısaqalova Álııa Shaldarbekqyzy
Sonymen qatar, Nurıslamdy ózge orynǵa jiberemiz degen de sybystar shyǵa keldi. Sonda bul jaýapkershilikten qashý ma? Bul jaǵdaıdy jasaǵan dárigerlerden mindetti túrde jaýap alynady. Eshqashan da jaýaptan qutyla almaıdy. Biz Shymkent qalasy, Eńbekshi aýdandyq ishki ister basqarmasyna aryz túsirdik. Eshqandaı da jaýap kelgen joq áli de. Bir aıdan keıin depti. Biz eshqashan da bir aı boıy kútpeımiz. Osy jaǵdaıdy ózińiz baqylaýyńyzǵa alyńyz dep áleýmettik jelide «QR Densaýlyq saqtaý mınıstrliginiń» saıtyna arnaıy shyǵaryp otyrmyz. Biz sizden:
1. Nurıslamdy Elordadaǵy «Ana men bala» ortalyǵyna arnaıy kvotamen aldyryp, em-domyna, densaýlyǵyna qajetti sharalardy jasaýǵa kómek berýińizdi suraımyz. Sebebi, biz atalǵan aýrýhanadaǵy qyzmetkerlerge óte senimsizdik bildirip otyrmyz. Balamyzdyń densaýlyǵyna taǵy da bir zııan keledi degen bizde qorqynysh bar;
2. Shymkent qalasy, «Juqpaly aýrýlar aýrýhanasynda» oryn alǵan jaǵdaıǵa baılanysty balaǵa klızma jasaǵan dárigerdi, bólim meńgerýshisin, sonda bolǵan qyzmetkerlerdiń bárine qyzmettik tekseris jasaýyńyzdy, olardy qatań jaýapkershilikke tartýyńyzdy suraımyz;
3. Osy oqys jaǵdaıǵa baılanysty, biliksiz, bilimsiz, adam densaýlyǵyna nemquraıly qaraıtyn dárigerlerdiń medıınanyń jaýapty oryndarda jumys jasamaýyna qatań eskertýler jasaýyńyzdy suraımyz;
Sebebi, dál osyndaı oqys jaǵdaılardyń qanshamasy kózden tasa, jasyryn kúıinde qalýda. Qanshama ata-ananyń zary ishinde. Men onyń densaýlyq saqtaý oryndarynda sany qansha ekenin bilmesem de, bar ekenin bilemin. Kelesi joly da nárestelerdiń shyrqyrap qalmaýy úshin, analardyń bozdap qalmaýy úshin osy jaǵdaıdy sizge arnaıy jetkizip, habardar etip, aldaǵy ýaqytta qaıtalanbaıtynyna senim bildiremin. Osy oqys jaǵdaıdy nazarǵa alyp, jan-jaqty medıınalyq saraptama jasap, qolymen istegenin moınymen kóteýge tıisti dárigerlerdi qatań jaýapqa tartaýyńyzdy suraımyz.
Memleket úshin de, adam úshin de eń baǵaly baılyq – adamnyń ómiri men densaýlyǵy, balalardyń amandyǵy. Bul QR «Ata zańynda» arnaıy bappen kórsetilgen. Sol sebepti osyndaı biliksiz, bilimsiz, keleshek urpaqtyń densaýlyǵyna zııan jasaıtyn dárigerlerdiń aýrýhanalarda jumys jasaýǵa eshqandaı da haqysy joq. Buǵan el de qarsy. Bizge keregi balamyzdyń densaýlyǵy. Onyń ómiri men keleshegi. Balamyzdyń densaýlyǵy retke kelmeı, qolymen jasaǵandaryn basymen kótermeı, biz bul isti aıaqsyz qaldyrmaımyz. Biz tergep, tekseretin prokýratýra, sot, quzyrly organdar arqyly jumys jasaımyz.
Bekbolat Qarjan
