«Qazirgi Qazaqstan qoǵamyndaǵy dinniń róli». Almatyda semınar ótti

1451
Adyrna.kz Telegram

Almaty qalasynda Qazaqstan halqy Assambleıasy etnomádenı birlestikterniń,  qoǵamdyq birlestikterdiń jáne jastardyń qatysýymen semınar ótti.

Aǵymdaǵy jylǵy 21 maýsym kúni «Dostyq úıiniń» ǵımaratynda din salasyndaǵy sarapshylar men dinı birlestikter ókilderiniń  qatysýymen «Qazirgi Qazaqstan qoǵamyndaǵy dinniń róli» taqyrybynda semınar jıyny ótti.

Semınar Qazaqstan halqy Assambleıasy, «Qoǵamdyq kelisim» Respýblıkalyq memlekettik mekemesi, Almaty qalasy Din isteri jónindegi basqarmasy,  Qazaqstan Respýblıkasy Ǵylym jáne joǵary bilim mınıstrligi Ǵylym komıtetiniń  Fılosofııa, saıasattaný jáne dintaný ınstıtýtynyń uıymdastyrýymen ótti.

Is-sharada elimizdegi dinı konfessııalar men olardyń mańyzdylyǵy, qoǵamdaǵy, onyń ishinde jastar úshin alatyn ornynyń ereksheligi taqyryptary sóz etildi.

Sóz basyn Fılosofııa, saıasattaný jáne dintaný ınstıtýty Dintaný ortalyǵynyń dırektory Almasbek Shaǵyrbaı bastady. Ol el birliginiń negizi tynyshtyq pen birlik ekenin aıtyp, is-shara moderatory boldy.

«Tynyshtyq pen birlik el bolashaǵynyń negizi. Nege deseńizder, osydan bir jyl buryn oryn alǵan «Qańtar» oqıǵasyna bárińiz kýásizder. Birneshe kúnniń ishinde elimizdiń, ásem qala Almatymyzdyń qandaı kúıge túskenin kórdik. «Tynyshtyq» degen uǵymnyń mańyzyn sol oqıǵadan keıin túsingendeımiz. Sol sebepti qaı jerde júrmesek te, el úshin qandaı qyzmet istesek te, maqsatymyz tynyshtyq pen el birligin saqtaý bolýy tıis», - dedi ol.

Is-shara barysynda Álemdik jáne dástúrli dinder kóshbasshylarynyń 7-sezi týraly beınerolık kórsetildi. Sonymen qatar, semınarǵa Almaty qalasy Din isteri jónindegi basqarmasynyń basshysy Nurlan Qıqymov qatysty.

«Elimizdiń bolashaǵyn jaqsartýymyz úshin biz búgingi jastardy tárbıeleýimiz qajet. Ol úshin olardyń qandaı senimde ekenin, qandaı bilim alyp, nemen aınalysyp jatqanyn baqylaýǵa alýymyz tıis», - dedi is-sharaǵa qatysqan Respýblıkalyq «Vaınah» Qazaqstan sheshen-ıngýshtar qaýymdastyǵynyń tóraǵasy Ahmet Muradov.

Is-sharaǵa qatysqan ártúrli dinı birlestik ókilderi de dinniń qoǵamdaǵy róli men jastar arasyndaǵy dinı ıdeologııanyń taralýyna baǵa berdi.

«Kez kelgen din qoǵamda gýmanızmdi nasıhattaıdy. Búgingi semınardyń da biz úshin mańyzdylyǵy – bolashaqtyń qamy», - dedi óz sózinde Almaty Ortalyq meshitiniń naıb ımamy Tımýr Alıev.

Bul pikirge Almaty qalasynyń bas ravvıni Kogen Elhanda qosyldy: «Dini joq el memleket bolmaıdy. Evreılerde «memleket bolmasa, adamdar bir-birin tirideı jeıdi» degen sóz bar. Al munyń túbinde birlik te bolý kerek ekendiginiń belgisi».

«Adyrna» ulttyq portaly

 

Pikirler