Sý Kókshetaýǵa bara jatyr, biraq mamandar ol dalaǵa taralyp ketedi dep otyr
Aqmola oblysynda túnde Kenesary aýylyna jaqyn mańdaǵy bóget buzyldy. Qurban bolǵandar men zardap shekkender joq, dep habarlaıdy "Adyrna" ulttyq portaly oblystyq tótenshe jaǵdaılar departamentiniń baspasóz qyzmetine silteme jasap.
Vedomstvoda jeksenbi kúni tańerteń shuǵyl brıfıng ótti. Departamenttiń málimetinshe, Kókshetaýdaǵy Qylshyqty ózeni arqyly ótetin Býrabaı jáne Zerendi aýdandarynyń aýmaǵynda erigen qar sýynyń negizgi bóligi jınalyp jatyr."Búgin, 2019 jyldyń 31 naýryzynda saǵat 04.25-de Kenesary bógeti buzyldy. Kenesary aýylyn sý basý qaýpi joq, sý Qylshyqty ózeni arnasymen oblys ortalyǵynan 17 shaqyrym jerde ornalasqan Ivanov bógetine qaraı jyljyp barady", - dep habarlady departament.
Kenesary aýylynyń mańynda ornalasqan Qylshyqty ózenindegi Kenesary bógetiniń maksımaldy bıiktigi – 12,17 metr.
Kenesary jáne Ivanov bógetterinde jáne Kókshetaýdaǵy Kylshaqty ózeniniń salasyna monıtorıngtik baqylaý postary qoıyldy.
258 adam, 20 birlik tehnıka tartyldy. Táýlik boıǵy rejımde jedel shtab Aqmola oblysyndaǵy sý tasqyny jaǵdaıyn baqylaıdy.
