«QazMunaıGazdyń» enshiles kásiporny Pavlodar munaı-hımııa zaýyty (PMHZ) 20 maýsym men 19 shilde aralyǵynda josparly jóndeý jumystaryna baılanysty jumysyn toqtatty. Bul týraly zaýyt málimdedi, dep habarlaıdy “Adyrna” ulttyq portaly.
PMHZ ónerkásiptik qaýipsizdikti qamtamasyz etý salasyndaǵy zańnama talaptaryna sáıkes «Pavlodar munaı-hımııa zaýyty» JShS-de josparly kúrdeli jóndeýdiń bastalǵany týraly habarlaıdy. Jumys kestesin Qazaqstan Respýblıkasy Energetıka mınıstrligi bekitti jáne 2023 jylǵy 20 maýsym men 19 shilde aralyǵynda Pavlodar munaı-hımııa zaýyty jumysyn ýaqytsha toqtatady, delingen habarlamada.
Sondaı-aq, josparly kúrdeli jóndeý kezinde tehnologııalyq jabdyqtar, ıaǵnı qubyrlar, peshter, bý qubyrlary jáne basqa da jabdyqtar tehnıkalyq attestattaý, jóndeý jáne ónerkásiptik qaýipsizdikti tekserýden ótedi.
Zaýyttyń toqtaýyna baılanysty benzın jáne dızel otynynyń 37 myń jáne 47 myń tonna qory jınaqtalǵany habarlandy. Bul qor zaýytty jóndeý kezinde janarmaıdyń ýaqtyly jetkizilip otyrýyna jaǵdaı jasaıdy.
