Taldyqorǵan qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń 72 túlegi búgin bilim týraly kýálikterin aldy.
Bul kúni quttyqtaýlar men kóptegen jyly lebizder aıtyldy. Ata-analar, ustazdar túlekterdi ómirdiń eń úlken mektebine attandyrdy, óz kezeginde oqýshylar mektep ujymyna alǵystaryn aıtyp, rızashylyqtaryn bildirdi.
Zııatkerlik mekteptiń «Altyn belgi» úmitkerleri Asel Dıýsembınova, Erasyl Nurboluly, Danııl Iarovoı óz bilimderin rastady, al jeti oqýshy Kamıla Amangeldına, Mıras Bolatbek, Ámirjan Embergen, Erenaı Karataeva, Tomırıs Raqymbaı, Qaraqat Tileýǵazy, Sanjar Turǵanbek «Úzdik attestat» ıegeri atandy.
On jeti túlek AQSh, Japonııa, Gonkong, Vengrııa, Italııa jáne Reseıdiń eń úzdik joǵary oqý oryndaryna oqýǵa shaqyrtý aldy.
Saltanatty sharanyń beıresmı bólimi túlekter, ata-analar qatysýymen mıýzıkl stılinde ótti. Ata-analardyń sazdy sálemi kesh qonaqtaryna erekshe syılyq boldy.
Nazarbaev Ýnıversıtetiniń túlegi, mektep túlegi, Iandeks kompanııasynyń baǵdarlamalyq ázirleýshisi Dastan Iembergen bıylǵy túlekterge quttyqtaý sózin joldady.
Kesh Zııatkerlik mekteptiń túlekterine «Alumni Nazarbayev Intellectual Schools» qaýymdastyqtyń tósbelgilerin tabystaý rásimimen aıaqtaldy.
