Shymkentte sońǵy bes jylda 3 mln. 700 myń sharshy metrge jýyq turǵyn úı salynǵan jáne onyń 2 mıllıony sońǵy eki jylda berildi.
-Endigi kezektegi mejemiz - jyl saıynǵy turǵyn úı kólemin 2 mln. sharshy metrge jetkizý. Ol úshin qurylys alańyn birinshi kezekte ınfraqurylymmen der kezinde qamtýymyz qajet, - dedi qala ákimi Murat Dúısenbekuly Astana qalasynda ótken QR Prezıdenti janyndaǵy ortalyq kommýnıkaııalar qyzmetininiń baspasóz brıfınginde.
Búginde turǵyn úı keshenin turǵyzý maqsatynda qurylys aýmaqtary aıqyndalyp, ınjenerlik júıelerdi jobalaý jumystary bastaldy.
Bıyl memlekettik baǵdarlama sheńberinde 4 445 otbasy baspanamen qamtylady. Alaıda memlekettik baǵdarlamadan tys qalyp otyrǵan áleýmettik sanattaǵy azamattar da bar.
Atalǵan sanattaǵy azamattardy turǵyn úımen qamtý úshin «Qamqor» jergilikti turǵyn úı baǵdarlamasy qabyldandy. Aıta keteıik, baǵdarlamanyń bıylǵy konkýrsyna 150 lımıt bólingen, máselen mundaǵy «Qamqor» baǵdarlamasynyń shartyna sáıkes qatysýshy azamat 20 mıllıon teńgege deıin 5 paıyzdyq jeńildetilgen nesıemen baspanaly bola alady. Baǵdarlamany júzege asyrýǵa 3 mlrd. teńge bólindi.
