Almaty qalasyndaǵy №210 mektep-lıeıde maýsym aıynda «DEMALIKE» jazǵy saýyqtyrý lagerinde «Jas matematık», «Aıbyn», «Qyran», «Qulynshaq», «Til damytý» toby jumys istep jatyr. Jazǵy demalys ornynda 300-ge jýyq baldyrǵan ýaqytyn kóńildi ótkizýde. Olardyń ishinde kóp balaly jáne áleýmettik jaǵynan az qamtylǵan otbasy balalary qamtylǵan.
Lagerge kelgen demalýshylardy kúndelikti mektep medbıkesi densaýlyqǵyn tekserip, olarmen saýyqtyrý is-sharalaryn júrgizip otyrady. Jazǵy lagerde balalardyń sapaly tamaqtanýy da nazardan tys qalmaǵan. Arnaıy bekitilgen as máziri boıynsha balalarǵa bir mezgil tamaq beriledi.
«Bala kúlkige toımas» degendeı, balalardyń kóńildi demalýy úshin sporttyq oıyndar fýtbol, erkin kúres, dombyra, bı úıirmeleri, shahmat, doıby, domıno, loto, qazirgi zamanǵa saı balanyń oı-órisin damytýǵa baǵyttalǵan monopolııa, pazl oıyndary, taqyryp boıynsha tapqyrlyq, sózjumbaq saıystary uıymdastyrylýda. Bir mezgil baldyrǵandar sýret salyp, taqpaq jattap, án salady.
Kún saıyn jospar boıynsha tańerteńgilik jattyǵý, erteńgilik, saıys ótedi. Tárbıeshiler ár kúnge belgilengen túrli merekelik is-sharalardy uıymdastyryp, balǵyndardyń demalysy qyzyqqa, qýanyshqa toly bolýyna bar kúsh-jigerin, ónerin aıamaı jumsaýda.
Balalardyń demalysy qanshylyqty kóńildi ótip jatqandyǵy júzderinen kórinip tur. Sebebi olardyń sanaly da sapaly demalýyna barlyq jaǵdaı jasalǵan. Emin-erkin oınaýyna arnalǵan arnaıy alańdar, bólmeler jabdyqtalǵan, demalýshylar oıyn-saýyq quraldarymen tolyq qamtamasyz etilgen. Mundaı qyzyqty sharalar kelesi jyly da jalǵasyn tabady.
