«Qýatjylýortalyq-3» memlekettik kásipornyna qatysty birlesken tekserý júrgizilip, birneshe óreskel qatelikter anyqtaldy, dep habarlaıdy «Adyrna» ulttyq portaly.
Atalmysh kásiporynǵa Shymkent qalasynyń prokýratýrasy men QR Ulttyq ekonomıka mınıstrligi Tabıǵı monopolııalardy retteý komıtetiniń departamenti tekseris júrgizgen.
Nátıjesinde 251 tutynýshyǵa qoljetimdilikti qamtamasyz etý kezinde «Tabıǵı monopolııalar týraly» Qazaqstan Respýblıkasy Zańynyń talaptary óreskel buzylǵany anyqtaldy.
«Qýatjylýortalyq-3» MKQK 171 tutynýshyǵa standartty nysanǵa sáıkes kelmeıtin tehnıkalyq sharttardy bergen. Sonymen qatar, 80 tutynýshyǵa tehnıkalyq sharttardy berý jáne bas tartý týraly ótinishterdi qaraý merzimin buzǵany belgili boldy.
Óreskel qatelikteri úshin «Qýatjylýortalyq-3» MKQK ÁQBtK-niń 164-babynyń 4-bóligimen ákimshilik jaýapkershilikke tartylyp, 20 mln 700 myń teńge ákimshilik aıyppul arqalady.
