Ulytaý óńiriniń Qaraǵandy oblysynan enshi alyp, jeke dara oblys bolyp qurylǵanyna 1 jyl tolyp otyr.
Saryarqanyń ortalyǵy, qazaq halqynyń ult bolyp uıysýy jolynda derbes memleket retinde qalyptasýy men kemeldenýi jolynda aıryqsha mán-mańyzǵa ıe Ulytaýdyń tarıhy tym tereń jáne qadir-qasıeti zor.
Jańa oblys óziniń qurylǵanyna bir jyl tolý toıyn dástúrli «Ulytaý úni» festıvali aıasynda atap ótýde. «Ulytaý úni» festıvali – talaı dúldildiń baǵyn ashyp, juldyzyn jaqqan óner báıgesi retinde kópke tanymal. Búgin HHHI-shi ret jalaýyn kótergen óner dýmany saltanatty túrde ashyldy.
Festıval baǵdarlamasy aıasynda aty ańyzǵa aınalǵan bard ánshi, Qazaqstannyń eńbek sińirgen qaıratkeri Qorabaı Esenovtiń án keshin, aqyn Baǵdat Baıjantaevtyń jyr keshin ótkizý josparlanǵan.
Sondaı-aq, Aqan Seriniń 180 jyldyǵyna arnalǵan respýblıkalyq dástúrli án oryndaýshylar baıqaýy, Qurmanǵazynyń 205 jyldyǵyna arnalǵan kúıshiler baıqaýy, halyq batyry Amangeldi Imanovtyń týǵanyna 180 jyl tolýyna arnalǵan Respýblıkalyq aqyndar aıtysy ótpek. Shynbolat Dildebaev atyndaǵy termeshiler baıqaýy da festıval baǵdarlamasynyń basty sharasy.
Festıval byltyrdan beri respýblıkalyq deńgeıde uıymdastyrylyp keledi. Óner merekesine Qazaqstannyń barlyq túpkir-túpkirinen 150-den astam ónerpaz ben qonaq jınalǵan. Aıta keteıik, festıval 7-9 maýsym aralyǵynda ótedi.
Aıda RAHYMQULOVA,
"Adyrna" ulttyq portaly
