Işkı ıster ministrlıgınıŋ basşysy Astanada tüngı 23.00-den keiın barlar men tüngı klubtar, alkogoldı ışımdıkterdı satatyn oiyn-sauyq mekemelerınıŋ jūmys ısteuıne tyiym saludy ūsyndy. Būl turaly Qazaqstan Respublikasynyŋ Işkı ıster ministrı Marat Ahmetjanov aitty, dep habarlaidy “Adyrna” tılşısı.
Ministr eger mekemeler tūrǧyn üilerde ornalassa, olardyŋ jūmysy saǧat 23.00-ge deiın, al jekelegen ǧimarattarda bolsa - 2.00-ge deiın şekteluı kerek, dep esepteidı.
Sondai-aq, ol alkogoldı baqylausyz satu Astanadaǧy qylmystyq ahualǧa äser etkenın aitty.
Qalada myŋdaǧan dämhanalar, barlar, tüngı klubtar bar. Būl biznestıŋ maŋyzdy salasy. Sonymen qatar, olardyŋ ielerınıŋ barlyǧy öz klientterıne qauıpsız jaǧdai jasai bermeidı. Qylmys pen qūqyq būzuşylyq jiı oryn alady. Men kündelıktı tynyştyqty būzudy aityp otyrǧan joqpyn. Ötken jyly poliseiler osyndai 13 myŋ habarlamaǧa barǧan. Biyl – 4,5 myŋ», - dedı Marat Ahmetjanov elorda äkımdıgınde ötken jiynda.
Ministrlık basşysy mysal retınde saǧat 00.30-da barlardyŋ bırınde keluşınıŋ pyşaq jaraqatyn alǧanyn aitty. Ötken qaraşa aiynda taŋǧy saǧat 5:30-da bır top mas keluşıler qoǧamdyq tärtıptı būzudy toqtatpaq bolǧan SOBR qyzmetkerıne qarsylyq körsetken.
Ministrdıŋ aituynşa, bırınşı mäsele, barlar men klubtardyŋ ielerı qauıpsızdıktı qadaǧalamai, kezdeisoq adamdardy kelısım-şartsyz jūmysqa alady. Mūndai qyzmetkerlerde qajettı daǧdylar joq. Ekınşı mäsele – uaqyt şekteuınıŋ joqtyǧy.
Qazır qalada qūqyq būzuşylyqtyŋ 80%-ǧa juyǧy tün ortasynan keiın jasalady. Sondyqtan tūrǧyn üilerdegı alkogoldı ışımdıkterdı satatyn oiyn-sauyq mekemelerınıŋ jūmys uaqytyn saǧat 23.00-ge deiın, jekelegen ǧimarattarda - 2.00-ge deiın şekteudı ūsynamyz. Ol üşın būl normany elorda aumaǧyn abattandyru erejelerıne bekıtu kerek Ärine, būl norma biznestıŋ müddesın qozǧaidy, — dedı Marat Ahmetjanov.
Ministrlıktıŋ habarlauynşa, soŋǧy üş jylda tün ortasyna deiın jūmys ıstep tūrǧan mekemelerden polisiiaǧa tärtıp būzǧany turaly bırde-bır habarlama tüspegen.
