«TURKISTAN» gazetıne – 25 jyl

«TURKISTAN» gazetınıŋ mereitoiy – qazaq baspasözınıŋ toiy. Erteŋ Halyqaralyq «TURKISTAN» gazetınıŋ 25 jyldyǧyna orai jurnalister arasynda boulingten turnir ötedı. Oǧan Almaty qalasyndaǧy aqparat ökılderı qatysyp, baq synaidy. Mūndaǧy maqsat – tılşı qauymy arasyndaǧy auyzbırlık pen yntymaqty arttyryp, ärıptestık bailanysty jandandyru. Irgetasyn 1994 jyly «Qazaqtyŋ Qaltaiy» – Qazaqstannyŋ halyq jazuşysy Qaltai Mūhamedjanov qalaǧan halyqaralyq «TURKISTAN» gazetınıŋ jaryq köre bastaǧanyna – 25 jyl. Osy jyldar ışınde qalyŋ oqyrmandarynan qol üzbegen gazet Qazaqstan respublikasynyŋ saiasi-ekonomikalyq jäne mädeni-äleumettık damuyna aqparattyq qoldau körsetu baǧytynda saraptamalyq maqalalar jariialauda beldı basylymnyŋ qataryna kıredı. Elımızdıŋ äleumettık-ekonomikalyq damuy, halyqtyŋ äl-auqaty mäselelerın ünemı nazarda ūstap, taldau maqalalary arqyly özındık bet-beinesın qalyptastyrǧan basylymnyŋ basty ūstanymy – uaqyt talabynan tuyndaǧan äleumettık, ekonomikalyq reformalardyŋ ışkı mazmūnyn jäne qoǧamnyŋ atalmyş reformalarǧa oŋ közqarasyn  qalyptastyru. Bügınde «TURKISTAN» halyqaralyq gazetı respublikanyŋ barlyq oblystaryna, Almaty men Astana qalalaryna keŋınen taraidy jäne Resei Federasiiasynyŋ resmi katalogyna engızılgen.   Ötetın jerı; «Bastau» bouling ortalyǧy Şagabudtinov köşesı, 109 «a» 19 nauryz saǧat 18:00