2023 jyldyń 9 maýsymynda Jambyl atyndaǵy Qazaq memlekettik fılarmonııasynyń Úlken zalynda T.Ábdirashev atyndaǵy QR Memlekettik akademııalyq sımfonııalyq orkestriniń konerti ótedi.
Konertke Eýropanyń jetekshi skrıpkashysy, Madrıdtegi «Katarina Gurska» joǵary mýzyka mektebiniń professory, otandasymyz – Erjan Kýlıbaev qatysady. Konerttik shara T.Ábdirashev atyndaǵy QR Memlekettik akademııalyq sımfonııalyq orkestriniń kórkemdik jetekshisi jáne bas dırıjeri Qanat Omarovtyń basqarýymen ótedi.
Almatylyq tyńdarmandar nazaryna usynylatyn konerttik baǵdarlamada:
E. Brýsılovskıı. Sımfonııalyq poema «Dýdar-aı»
E. Korngold. Skrıpka men orkestrge arnalǵan konert re major (1945), op. 35
T. Qajyǵalıev. «Dala ańyzy» baletinen sıýıta
Bizdiń aqparat:
T. Ábdirashev atyndaǵy Qazaqstan Respýblıkasynyń Memlekettik akademııalyq sımfonııalyq orkestri – 1938 jyly qurylǵan elimizdegi alǵashqy sımfonııalyq orkestr, Qazaqstannyń eń iri ári jetekshi mýzykalyq ujymy. Chehııa, Polsha, Germanııa, Avstrııa, Franııa, Ulybrıtanııa, Amerıka, Túrkııa, Koreıa, Qytaı elderiniń kompozıtorlarymen, kórnekti dırıjerlerimen avtorlyq konerttik kezdesýler uıymdastyryp, álemdik deńgeıdegi kóptegen oryndaýshylarmen birge óner kórsetýi – orkestrdiń jemisti jumysynyń nátıjesi bolyp tabylady.
1958 jyly orkestr Jambyl atyndaǵy Qazaq Memlekettik fılarmonııasynyń quramyna kirip, búginde tyńdarman nazaryna sımfonııalyq mýzykany oryndaýdyń eń úzdik úlgilerin usynyp keledi.
Qanat Omarov – 2015 jyldan orkestrdiń kórkemdik jetekshisi jəne bas dırıjeri bolyp qyzmet etedi. Qazaqstannyń halyq artısi, professor, otyz jylǵa jýyq Mem¬lekettik akademııalyq sımfonııa¬lyq orkestrdiń bas dırıjeri bolǵan Tólepbergen Ábdirashevten tálim alyp, laıyqty deńgeıde izin jalǵastyryp keledi. Sonymen qatar, «Metropolıten» opera teatrynyń bas dırıjeri, álemge áıgili maestro – Fabıo Lýızıden taǵylymdamadan ótip, mamandyǵynyń qyr-syryn ıgerdi.
Ol Carnegie Hall (Nıý-Iork), Kennedy Center (Vashıngton), Kitara Hall (Sapporo), Ma¬rıın teatry (Sankt-Peter¬bor) men Máskeý memlekettik konservatorııasynyń Úlken zalynda óner kórsetip, qazaq dırıjerlik mektebiniń tuǵyryn álemdik deńgeıde moıyndatyp júr.
Erjan Kýlıbaev – Qazaqstandy búkil álemge tanytyp júrgen qazirgi zamannyń úzdik skrıpkashylarynyń biri. Ispanııadaǵy Sofııa patshaıymnyń joǵary mektebiniń túlegi, «Washington Award» syılyǵynyń ıegeri jáne Argentına, Polsha, Rýmynııa, Germanııa, Reseı jáne basqa da kóptegen elderdegi halyqaralyq baıqaýlardyń laýreaty. Búginde «Katarina Gurska» (Madrıd, Ispanııa) joǵary mýzyka mektebiniń professory.
