Búgin oblys ákimi Nurlybek Nálibaev 1 maýsym – Halyqaralyq balalardy qorǵaý kúnine oraı oblystyq mamandandyrylǵan Sábı úıine baryp, jumysymen tanysty.
Aımaq basshysy «Bar meıirimimiz – balalarǵa» atty erteńgilikke qatysyp, balalardyń ónerin tamashalady. Olarǵa merekelik syılyq tabystap, estelik sýretke tústi. Is-shara barysynda Nurlybek Mashbekuly mekeme tárbıelenýshisi Ádilbek Sanjardyń tusaýyn kesip, alǵashqy qadamyna aq jol tiledi.
Ári qaraı oblys ákimi Sábı úıinde 2022 jyly demeýshilik arqyly salynǵan tuzdy shahta bólmesin jáne 2020 jyly iske qosylǵan sensorlyq bólmeni, egý, emdik-deneshynyqtyrý, fızıoterapııa kabınetterin aralady. Úsh jyl buryn mekemege qondyrylǵan ıfrly beınebaqylaý júıesin, án-kúı, Montessorı kabınetterin, ata-ana men balanyń kezdesý bólmesin kórgen aımaq basshysy ujym sáttilik tilep, merekelik syılyq tartý etti.
Aıta keteıik, oblystyq Sábı úıi 2012 jyly «Sábı» qaıyrymdylyq qorynyń gýmanıtarlyq kómegimen ashyldy. Nysan 60 orynǵa arnalǵan, qazirgi tańda munda 45 bala tárbıelenýde.
