Shanhaı yntymaqtastyq uıymyna qatysýshy elderdiń mınıstrleri 2023-2024 jyldarǵa uıymnyń mádenı jáne týrıstik astanasy retinde Almaty qalasyn bekitý týraly usynysty qoldady, dep habarlaıdy QR Mádenıet jáne sport mınıstrligi.
Ashat Oralov Shanhaı yntymaqtastyq uıymyna qatysýshy elderdiń mádenıet mınıstrleriniń keńesine qatysty. Onlaın-kezdesýge Úndistan, QHR, Qyrǵyzstan, Ózbekstan, Tájikstan, Reseı jáne Pákistan ókilderi de qatysty.
Mınıstr Almaty qalasyna ShYU-nyń 2023-2024 jyldarǵa mádenı jáne týrıstik astanasy mártebesin berý týraly máseleni kóterdi.
«Men Keın myrzaǵa jáne barlyq qatysýshylarǵa bizdiń bastamamyzdy qoldaǵany úshin alǵys aıtamyn. Búgingi tańda biz Almaty qalasynda 14 is-sharany kózdeıtin jospar ázirledik. Bul halyqaralyq týrıstik jáne mádenı festıvaldar, sondaı-aq marafondar. Qazaqstannyń ShYU-na tóraǵalyǵy da aýqymdy mádenı baǵdarlamamen súıemeldenetin bolady. ShYU elderimen barlyq salada, onyń ishinde týrızm baǵyty boıynsha da yntymaqtastyqty damytý men nyǵaıtýdyń oń serpini baıqalady. Almatynyń mádenı jáne týrıstik astana retinde bekitilýi týrızm salasyndaǵy kórsetkishterdi jaqsartady. Barshańyzdy Qazaqstanǵa kelip, elimizdiń kórikti jerlerimen jáne mádenıet salasyndaǵy jumysymyzdyń nátıjelerimen tanysýǵa shaqyramyn», - dedi QR Mádenıet jáne sport mınıstri Ashat Oralov.
Esterińizge sala keteıik, Qazaqstan 2023 jyldyń shildesinen 2024 jyldyń shildesine deıin Shanhaı yntymaqtastyq uıymyna tóraǵalyq etedi.
