Qazaqstanda qýǵyn-súrgin qurbandaryn eske alý kúninde sherý ótkizý usynyldy

2088
Adyrna.kz Telegram

Osyndaı úndeýmen Prezıdent Toqaevqa, Qazaqstan halqy Assambleıasyna jáne Qazaqstan Respýblıkasynyń barsha azamattaryna «31 mamyr komıteti» qozǵalysynyń belsendileri úndeý joldady, dep habarlaıdy "Adyrna" ulttyq portaly.

Saıası qýǵyn-súrgin qurbandaryn eske alýǵa arnalǵan obelısk basynda jyl saıyn mıtıng ótkizetin 31 mamyr komıteti qozǵalysy óz úndeýinde búkil el boıynsha aza tutý sherýi – qýǵyn-súrgin qurbandaryn eske alý jáne asharshylyq sherýin ótkizýdi usynady. Belsendiler úndeý mátinin Ulysmedia.kz redakııasyna joldaǵan.

«Biz úshin dúnıejúzilik tarıhta buryn-sońdy bolmaǵan qasiretti qaıta bastan keshirý, halqymyzdyń búgingi Táýelsizdigimiz úshin qandaı aýyr baǵa bergenin túsiný óte mańyzdy! Búgingi táýelsizdigimizdiń jolynda qurban bolǵan Alashorda qaıratkerlerine alǵys aıtatyn kez keldi! Biz óz jaramyzdy ujymdyq beısananyń qarańǵy túneginen qoǵamdyq sananyń nuryna shyǵarmaıynsha, osy jalpyǵa birdeı qasiretti pash etip, halyq retinde tazartatyn katarsısti bastan ótkermeıinshe, ádettegideı jańara almaımyz! Onsyz bárimizdiń laıyqty jáne baqytty bolashaqqa moraldyq quqyǵymyz joq!». – delingen úndeýde.

Avtorlar elimizdiń tarıhynan jan túrshigerlik faktilerdi keltiredi.

...1920 - 1930 jyldary stalındik ozbyrlyq qazaq halqyn qoldan asharshylyqqa ushyratty, jalpy qazaqtardyń 70 paıyzdaıynan aıyryldyq. Bul sumdyq statıstıkany máseleniń sarapshysy Álıhan Bókeıhanov dáleldep berdi. (...) 30-jyldardyń ortasy men aıaǵynda 25 myń qazaq zııalysy atyldy, ulttyń búkil oılaý boıaýy derlik joıyldy! Beınelep aıtsaq, qazaq halqynan áýeli denesiniń 2/3 bóligi, sodan keıin basy kesilgen!

Belsendiler de barsha qazaqstandyqtarǵa úndeý joldady

«Sizderdi, Qazaqstan Respýblıkasyndaǵy barlyq halyqtardy 31 mamyr kúni qazaqtardyń qasynda turyp, yntymaq tanytyp, qaza bolǵan qazaqtardy qurmetteýge, rızashylyq pen qurmet kórsetýge, qaza bolǵan týystaryńyzdy qurmetteýge shaqyramyz. «Kemedeginiń jany bir» degen maqal bar. Bul kúni mıllıondaǵan júregimizdi, rýhanı serpilisimizdi bir qasıetti áreketke biriktireıik! Qaıtys bolǵan alashordalyqtar men barsha ata-babalarymyzdyń rýhtaryna óz deńgeıinde qurmet kórseteıik», - delingen úndeýde.

31 mamyr komıteti, sondaı-aq «Nevada-Semeı» halyqaralyq antııadrolyq qozǵalysyn ózderine qosylýǵa shaqyryp, Qazaqstandaǵy synaq alańdarynda 1,5 mıllıon adam ıadrolyq synaqtardyń qurbany bolǵanyn atap ótti.

Sonymen qatar, qozǵalys belsendileri Reseıden Kenesary hannyń bas súıegin jerleý úshin otanyna qaıtarýdy talap etýde.

Eske salaıyq, saıası qýǵyn-súrgin qurbandaryn eske alý kúni Qazaqstanda 1997 jyldan beri atalyp keledi.

Pikirler