15 naýryzda Jańa Zelandııadaǵy eki meshitke jasalǵan shabýyldan 49 adam qaza taýyp, 20 adam jaralandy. Bul týraly eldiń premer-mınıstri Djasında Arden habaraldy.
Premer Arden muny "terakt" dep atady.
Shabýyl qala ortasyndaǵy Ál-Nur meshiti men Lınvýd qalasynyń irgesindegi meshitke jasalǵan. Ál-Nurda – 30, Lınvýdtegi meshitte 10 adam qaza tapqan.
Kúdiktiniń biri meshittegi adamdar namaz oqyp jatqanda kirip kelgen. "Qolynda úlken tapansha boldy. Kirdi de adamdarǵa shetinen ata berdi" deıdi shabýyl kezinde qashyp úlgergen Ahmad ál-Mahmýd esimdi azamat.
Jańa Zelandııa permer-mınıstriniń aıtýynsha, kúdikti retinde qamaýǵa alynǵan tórt adam estremıstik kózqarasta bolǵan, biraq polıııa esebine alynbaǵan.
Avstralııa premer-mınıstri Skott Morrıson ustalǵandardyń biri avstralııalyq azamat ekenin rastady. Shabýyldy moınyna alǵan azamat manıfestinde ózin "28 jastaǵy aq avstralııalyq" dep atap, "Jańa Zelandııaǵa shabýyldy uıymdastyrý úshin ǵana kelgenin" aıtqan.
Premer-mınıstri Djasında Ardern "Mundaı jaǵdaı buryn-sońdy bolǵan emes. Búgin – el tarıhyndaǵy eń qaıǵyly kúnderdiń biri" dep málimdedi.
