Qazaqstanda koronavırýsqa qatysty shekteýler resmı túrde alynyp tastaldy, - dep habarlaıdy "Adyrna" ulttyq portaly. Bul týraly Densaýlyq saqtaý mınıstrligi málimdedi.
"Dúnıejúzilik densaýlyq saqtaý uıymynyń COVID-19 pandemııasynyń aıaqtalýy, Qazaqstanda jáne álemde koronavırýs ınfekııasy boıynsha epıdemıologııalyq jaǵdaıdyń turaqtanýy týraly habarlaýyna baılanysty, bilim berý uıymdarynda, sondaı-aq "Ashyq" jobasynda halyqtyń arasynda koronavırýs ınfekııasyna qarsy kúres jónindegi shekteý sharalaryn kózdeıtin Qazaqstan Respýblıkasy Bas memlekettik sanıtarııalyq dárigeriniń qaýlylarynyń kúshi joıyldy" delindi mınıstrlik saıtynda.
Osylaısha, "Qazaqstan Respýblıkasynyń Bas memlekettik sanıtarııalyq dárigeriniń keıbir qaýlylarynyń kúshin joıý týraly" Qazaqstan Respýblıkasynyń Bas memlekettik sanıtarııalyq dárigeriniń 2023 jylǵy 19 mamyrdaǵy №5 qaýlysyna qol qoıyldy. Osy qaýlynyń tolyq mátinimen Qazaqstan Respýblıkasy Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń saıtynda tanysýǵa bolady.
"Sonymen qatar, COVID-19 koronavırýs ınfekııasy joıylmaǵanyn habarlaımyz, vırýstyń taralýy jalǵasýda, biraq aýrýdyń salystyrmaly túrde jeńil aǵymyn eskere otyryp, keıinnen halyqtyń syrqattanýshylyǵyn baqylaý basqa vırýstyq ınfekııalarmen qatar turaqty negizde júzege asyrylatyn bolady" dep qosty Densaýlyq saqtaý mınıstrligi.
"Adyrna" ulttyq portaly
