1983 jyly negizi qalanǵan bilim oshaǵyna 1991 jyly Mınıstrlik Kabınetiniń buıryǵymen Keńes Odaǵynyń batyry Baýyrjan Momyshulynyń esimi berildi.
Áskerı dástúrden aınymaǵan mektep óz tarıhynda 6510 tárbıelenýshige baǵyt berip, 38 ret bitirýshi túlekterin úlken ómirge shyǵaryp salǵan. Aıtýly sharaǵa uly jaýynger Baýyrjan Momyshulynyń kelini Zeınep Ahmetova, el aǵalary, mektebin eske alyp kelgen 700 túlek pen jas baýyrjanshylar jáne mektep ujymy qatysty.
Qazaqılyq dástúrdi ulyqtaǵan Zeınep Ahmetova el múddesin qorǵaǵan keńes odaǵynyń batyry Baýyrjan Momyshulynyń tas músinine ıile sálem berip, gúl shoqtaryn qoıdy. Mereıtoıǵa jınalǵan qonaqtar aq-jardy tilekterin aıtyp, batyrdyń esimin ulyqtap, mektep ujymyna sáttilik tiledi.
Sondaı-aq ózge mektepter arasynda joǵary mádenıeti men úzdik kórsetkishtermen kózge túsken oqý ornyna jańa apparattar men birneshe oqýǵa arnalǵan qural-jabdyqtar tartý etildi. Bir sapta boı túzegen mektep oqýshylary saptyq jattyǵýlardy jasap, shara sońynda túlekter valsinde bıledi.
Saltanatty áskerı shara sońy konertpen jalǵasty. Áýelegen án de shyrqalyp, ulandar men mekteptiń horeografııalyq ansambli óz ónerlerin kórsetti.
"Adyrna" ulttyq portaly
