Qazaqstandyqtar jyl saıyn qarjy pıramıdalaryna mıllıardttaǵan qarjy jumsaıdy. Bul týraly Parlament Májilisiniń depýtaty Elnur Beısenbaev óziniń jelidegi paraqshasynda bólisti, dep jazady "Adyrna".
Statıstıkaǵa kóz júgirtsek, jyl saıyn qazaqstandyqtar túrli qarjy pıramıdalaryna qyrýar qarjy jumsaıdy. Máselen:
2018 jyly – 1,9 mlrd teńge;
2019 jyly – 1,6 mlrd teńge;
2020 jyly – 6,2 mlrd teńge;
2021 jyly – 33,3 mlrd teńge;
2022 jyly – 8,1 mlrd teńge jumsalǵan.
Derekterdi Elnur Beısenbaev áleýmettik jelide jazdy. Sondaı-aq, ol bul resmı tirkelgen derek boıynsha ǵana bar aqparat ekenin túrte ketti. Al elimizde alaıaqtarǵa aldanǵanyn aıtýǵa uıalatyn jandardyń joq emes ekendigin jazdy.
"Bul rette búkil jumysty quzyrly organdardyń moınyna artyp qoıýǵa bolmaıtynyn túsinemiz. Eń bastysy – halyqtyń qarjylyq, quqyqtyq saýatyn ashýymyz, aqparattyq jumysty kúsheıtýimiz kerek. Sondyqtan, bizdiń partııa «Quqyqtyq kómek», «Qaryzsyz qoǵam» degen jobalardy qolǵa alǵan bolatyn. Osy jobalar aıasynda bizdiń mamandar qarapaıym halyqqa qajetti kómekti – aqyl-keńestiń bárin tegin beredi" dep qosty ol.
