Ақтаудағы Назарбаев Зияткерлік мектебінің өкілдері Әзірбайжан Республикасында өткен OCEP (Olympic Culture and Education Program) бағдарламасына қазақ мәдениетін таныстырушы делегация ретінде қатысты.
Оқушылармен ұстаздардан құралған бір топ делегация OCEP (Olympic Culture and Education Program) бағдарламасы аясында Бакудегі серіктес мектеп Ағайынды Новрузовтар атындағы №36 мектеп ұйымдастырған мерекелік шараға қатысты.
Мерекелік шараға Әзірбайжан Республикасының министрлігі, сондай ақ Қазақстан Республикасының Әзірбайжан Республикасындағы Елшілігі өкілдері қатысты.
Қазақ мәдениетін таныстырушы делегация ретінде шараға қатысқан NIS өнерпаздары жоғарғы деңгейде өнер көрсетіп, көрерменнің ерекше ықыласына бөленді. Осылайша NIS екі елдің достығын жалғаған алтын көпірге айналды.
- Әзірбайжанға сапарымыздың алғашқы күнінде OCEP бағдарламасының ұйымдастырушыларымен қатар әзірбайжандық серіктес мектеп өкілдері бізді керемет көңіл күймен қарсы алып, Бакудің тамаша тарихи, мәдени көрікті жерлеріне экскурсия ұйымдастырды. Бүгінде Қазақстанның мәдениетін таныстырушы делегацияның Әзірбайжанға келудегі басты мақсаты сәтті орындалды. Өнерпаздар көрермен қошеметіне бөленіп, әзірбайжандықтар дәстүрімізбен, мәдениетімізге үлкен құрмет көрсетті. Бұл сапарымыз екі ел арасында достық пен ынтымақтастықты нығайту ісіне елеулі үлес қосады деп үміттенеміз,- дейді Назарбаев Зияткерлік мектебі директорының ғылыми-әдістемелік жұмыс жөніндегі орынбасары Лаура Байтоқаева
Екі мемлекет арасында көпір болған Ақтаудағы Назарбаев Зияткерлік мектебімен Ағайынды Новрузовтар атындағы №36 мектеппен бірлесе өткізген мәдени алмасу шарасы жоғарғы деңгейді өтті.
Шарада халықаралық байқаулардың жеңімпаздары «Шұғыла» би ансамблі, «Қос перне» домбырашылар ансамблі өнер көрсетті.
