Öjet mınezımen örtke oranǧan aimaqta qyzmettık boryşyn ötegen Arslan Qūrmanbekovtıŋ esımı - el esınde. 20 mamyr künı QR TJ bırınşı vise-ministrı İbragim Külşımbaev Medeudegı örttı auyzdyqtau kezınde qaza tapqan serjanttyŋ anasy Baqytgül Qūrmanbekovaǧa III därejelı "Aibyn" ordenın tapsyrdy, dep habarlaidy "Adyrna" ūlttyq portaly.
Ministr orynbasary Almatydaǧy ört söndıruşınıŋ otbasyna baryp, III därejelı "Aibyn" memlekettık nagradasyn tapsyrdy.
Prezidenttıŋ 15 mamyrdaǧy Jarlyǧyna säikes, qyzmettık boryşyn oryndau kezınde körsetken erlıgı men janqiiarlyǧy üşın Almaty qalasy TJD Ört söndıru jäne avariialyq-qūtqaru jūmystary qyzmetınıŋ №7 ÖSB aǧa ört söndıruşı-qūtqaruşysy Arslan Qūrmanbekov "Aibyn" ordenımen marapattalǧan bolatyn.
Ministrlık atynan İbragim Külşımbaev tuystary men jaqyndaryna köŋıl aityp, batyl ärı erjürek batyrdy tärbielegenı üşın alǧysyn bıldırdı.
"Ärkım öz ömırın är türlı jolmen ötkıze alady. Ony ysyrap etu nemese sız jaraqat alyp, tıptı ölıp ketuıŋız mümkın, bıraq ömırıŋızdı naǧyz batyl ärı batyr adam retınde ötkızuıŋız mümkın. Arslan ruhy myqty, öz ısınıŋ mamany retınde bızdıŋ jüregımızde mäŋgı este qalady. Sız naǧyz erjürek adamdy, naǧyz batyrdy ösırdıŋız. Rahmet, Sızge !"- dedı general-maior marqūmnyŋ jaqyn adamdaryna.
Suret: QR TJM
Azamattyq qorǧau serjanty Arslan Qūrmanbekov 1994 jyly 23 tamyzda Almaty oblysy Talǧar qalasynda düniege kelgen.
Eŋbek jolyn 2015 jyldyŋ jeltoqsan aiynan bastap Almaty TJD "SPiASR" MM № 9 mamandandyrylǧan ört söndıru bölımınıŋ ört söndıruşı-qūtqaruşysy bolyp bastady.
Almaty TJD "SPiASR" MM № 1 ört söndıru bölımınde ört söndıruşı, aǧa ört söndıruşı-qūtqaruşy bolyp jūmys ıstedı.
Almaty TJD Ört söndıru jäne avariialyq-qūtqaru jūmystary qyzmetınıŋ № 7 ört söndıru bölımınıŋ aǧa ört söndıruşı-qūtqaruşysy lauazymyna 2019 jyly taǧaiyndaldy.
Arslan jauapty qyzmetker, käsıbi küresker jäne bılıktı maman boldy. Jūmysta ol eŋbekqorlyǧy, ädıldıgı jäne mamandyqqa degen süiıspenşılıgı üşın baǧalandy.
2023 jylǧy 8 mamyrda Arslan Qūrmanbekov Ile-Alatau tabiǧi parkındegı tau bauraiynda örttı söndıru jönındegı jedel top qūramynda qyzmettık boryşyn ötep, qyzmet barysynda, qapiiada qaza tapty. Ört söndıru kezınde taǧy bır ört söndıruşı zardap şektı.
"Adyrna" ūlttyq portaly
