Jeńis kúnine oraı Jambyl oblysynyń ákimi Nurjan Nurjigitov Taraz qalasyndaǵy Baýyrjan Momyshuly atyndaǵy «Jeńis» saıabaǵyndaǵy batyrdyń eskertkishine gúl shoqtaryn qoıý rásimine qatysty.
Maıdan dalasynan qaıta oralmaǵandardy, marqum maıdangerlerdi eske alý úshin ardagerler, tyl eńbekkerlerimen qatar, birqatar jambyldyqtar jınaldy.
Sonymen birge is-sharaǵa oblystyq máslıhat hatshysy, qala ákimi, quqyq qorǵaý organdary jáne etnomádenı ortalyqtardyń ókilderi qatysty.
Jınalǵandar Jeńis úshin janyn qıǵan azamattardy bir mınýt únsizdikpen eske aldy. 
Budan soń aımaq basshysy bastaǵan top saıabaqtaǵy “Danq” zalyn aralap, konerttik baǵdarlamany tamashalady. Munda teatrlandyrylǵan qoıylym sahnalanyp, patrıottyq ánder shyrqaldy.
“Danq” zaly Uly Otan soǵysy jyldaryn beıneleıtin fotosýretter men eksponattarǵa toly. Ǵımaratta 1 mıllıon 500 myńnan astam fotoshejireler toptastyrylǵan.
Zaldyń 1941, 1942, 1943, 1944 jáne 1945 jyldarǵa arnalǵan qabyrǵalaryndaǵy sýretterde sol kezeńdegi soǵys kórinisteri beınelengen.
Sondaı-aq, «Reıhstagqa tý tigý» barelefi qoıylyp, tyldaǵy eńbekkerlerdiń ómirinen syr shertetin sýretter de kórinis tapqan.
Jergilikti maıdangerlerdiń 500-ge jýyq medali de zaldan oryn alǵan.
Shara barysynda “Jambyldyq áskerı quramalar” atty jınaqtyń tusaýy kesildi.
Aıta keteıik, 2021 jyly Baızaq aýdany áskerı bólimi aýmaǵyndaǵy oq-dári qoımasynda oryn alǵan jarylysta erlikpen qaza bolǵan Baýyrjan Dáýitbaev Memleket basshysynyń Jarlyǵymen III dárejeli «Aıbyn» ordenimen nagradtaldy. Oblys ákimi atalǵan ordendi marqumnyń ákesi Talǵat Dáýitbaevqa tapsyrdy.
"Adyrna" ulttyq portaly
