Almatyda «AMANAT» partııasy Qazaqstan halqynyń birligi kúnine arnalǵan qaıyrymdylyq jármeńkesin ótkizdi.
Is-sharaǵa Almaty qalasy máslıhatynyń depýtattary, partııa músheleri, Qazaqstan halqy Assambleıasynyń etnomádenı birlestikteri, «Jastar rýhy» jastar qanatynyń ókilderi, sondaı-aq qala turǵyndary qatysty.
Qaıyrymdylyq jármeńkesinde álemniń ártúrli elderiniń ashanalarynan taǵamdar usynyldy. Sondaı-aq, merekelik jármeńke barysynda qazaq, orys, ózbek, armıan, uıǵyr, kúrd ulttarynyń ansamblderi qatysqan oıyn-saýyq konerttik shoý-baǵdarlama uıymdastyryldy.
Sonymen qatar, «AMANAT» partııasy is-sharanyń ekologııalyq jaǵynan taza ótýine kóńil bóldi. Onda qaldyqtardy jınaýǵa arnalǵan arnaıy ekokonteınerler ornatyldy.
Is-shara sońynda satýdan túsken barlyq qarajatty múmkindigi shekteýli balalardy qoldaýmen aınalysatyn «Taǵdyr» múgedek balalardyń otbasylyq klýbyna jiberiletin bolady.
