Taldyqorǧanda Almaty oblysy polisiia departamentınıŋ būrynǧy basşysy, general-maior Serık Küdebaevtyŋ ısıne qatysty sot qaita jalǧaspaq, dep habarlaidy «Adyrna» tılşısı.
Oǧan Qylmystyq kodekstıŋ 370-baby 4-bölıgınıŋ 1-tarmaǧy «Auyr zardaptarǧa äkep soqqan qyzmettegı äreketsızdık» boiynşa aiyp taǧylyp otyr. Būǧan deiın Prokuror sudiadan Serık Küdebaevqa 9 jyl bas bostandyǧynan aiyru jazasyn taǧaiyndaudy sūraǧan edı.
Sot otyrysyna kelgen Küdebaevtyŋ ūly äkesınıŋ Qazaqstanǧa öz erkımen oralǧanyn aitty.
«Keibır BAQ jalǧan aqparat taratyp jatyr. Äkem elge öz erkımen keldı. Menıŋ ūlyma habarlasyp, barlyǧyn jaqsy köretının jäne Otanyna kele jatqanyn aitqan. Bız eşqaida ketken joqpyz, otbasymyz tūraqty baqylauda boldy»,—dedı Arman Myrzaqūlov Orda.kz-ke bergen sūqbatynda.Eske salsaq, aiyptaluşy 3 säuırde sotqa kelmei, oǧan halyqaralyq ızdeu jariialandy. Keiın Küdebaevtyŋ qazaq-qyrǧyz şekarasyn kesıp ötıp, 23 nauryz künı Bışkekten Stambulǧa ūşyp ketkenı belgılı boldy. 12 säuırde Bas prokuratura general-maiorǧa qatysty memlekettık şekarany zaŋsyz kesıp ötu faktısı boiynşa qylmystyq ıs qozǧady. 27 säuırde Bas prokuror Berık Asylov küdıktınıŋ ūstalǧanyn habarlady. Serık Küdebaev Almaty polisiia departamentın 7 jyl basqarǧan. 2020 jyly Almaty oblysy polisiiasynyŋ basşysy bolyp taǧaiyndaldy. Qaŋtardaǧy tärtıpsızdıkterden keiın ol qyzmetınen bosatyldy.
