QMG arnaiy jūmys toby Jaŋaözende jūmysyn jalǧastyryp jatyr. Kün saiyn qala käsıporyndaryna baryp, eŋbek ūjymdarymen kezdesuler ötkızılıp, qyzmetkerlerdıŋ şaǧymdary men tılekterı tyŋdalady. Būdan basqa, jūmys tobynyŋ müşelerı qarjy-şaruaşylyq qyzmet baǧytynda esep qūjattamalaryn tekseredı, dep habarlaidy “Adyrna” ūlttyq portaly.
Osy uaqyt aralyǧynda ondaǧan būzuşylyq anyqtaldy, olarǧa aldaǧy uaqytta qūqyqtyq baǧa berıledı.
Jūmys tobynyŋ jetekşısı, «QazMūnaiGaz» ŪK AQ Basqarma Töraǧasynyŋ orynbasary Däuletjan Hasanov anyqtalǧan keibır būzuşylyqtar turaly baiandady.
D.Hasanovtyŋ aituynşa, «Özenmūnaigaz» kompaniiasynda jūmys oryndaryna kelmegen qyzmetkerlerdı jūmysqa ornalastyrǧan faktıler anyqtalǧan. Osyndai jaǧdailardyŋ bırı, aqtaulyq belgılı aitysker aqyn aldymen ştatta teolog, keiınnen qoǧammen bailanys jönındegı maman qyzmetın atqarǧan.
«Kompaniia ştatyna kezekten tys nemese bılıktılık talaptaryna säikes kelmeitın jäne jöndeumen ainalysatyn bölımşelerdıŋ mamandyqtary boiynşa jetkılıktı jūmys täjıribesı joq adamdardy jūmysqa qabyldau faktılerı bar», — dep qosty ol.Jūmys tobynyŋ jetekşısı atap ötkendei, bırqatar jük kölıkterınıŋ GPS derekterın uaqyt kestelerımen salystyrǧan kezde, derekterdıŋ säikes kelmegenı anyqtalǧan.
«Iаǧni, avtomobilder naqty jürıp ötken uaqyt aralyǧyn tabelderde asyra körsetken. Tiısınşe, atqarylǧan jūmys üşın tölem de asyra baǧalandy», — dep atap öttı D.Hasanov.Sondai-aq, jūmys toby mūnai öndıretın jabdyqty jalǧa alu qyzmetı bırneşe ese joǧary baǧaǧa körsetılgen jaǧdaidy anyqtady. Osylaişa, servis körsetetın kompaniialardyŋ bırı «Özenmūnaigazǧa» ämbebap elektr ortalyqtan tepkış sorǧyny täulıgıne ūŋǧymaǧa 96 myŋ teŋge baǧamen jalǧa bergen. Öŋırdegı basqa mūnai öndıruşı kompaniianyŋ däl osyndai sorǧyny jalǧa beru baǧasy būdan 2 ese arzan, atap aitqanda täulıgıne ūŋǧymaǧa 39,7 myŋ teŋge. QMG Basqarma Töraǧasynyŋ orynbasary satyp alu salasynan taǧy bır mysal keltırdı. Atap aitqanda, ÖMG ūŋǧymalardy jöndeuge arnalǧan 14 dana kötergış agregat satyp aldy. Mämılenıŋ jalpy somasy 1,5 mlrd teŋgeden asqan. Jetkızu merzımı — 2022 jyldyŋ 31 jeltoqsany. Tekseru barysynda körsetılgen merzımde 14 agregattyŋ bıreuı ǧana jetkızılgenı anyqtaldy. Esep beru qūjattamasynda ol jaŋa dep körsetılgen. Alaida, tekserıs nätijesınde onyŋ komponentterı äldeqaşan eskırgenı, köptegen bölşekterınıŋ joq ekenı, quat konstruksiialary paidalanu üşın qauıptı ekenı anyqtaldy. Mūny jasyru üşın tot basqan korpusy men şassidıŋ metall konstruksiialary qara tüske boialǧan. Jūmys toby öndırıstık jäne ekologiialyq qauıpsızdık normalaryn būzǧan jaǧdailardy joiu üşın ÖMG men mūnai servis kompaniialaryna ūsynystar men tapsyrmalar berdı. Mysaly, bırqatar nysanda ǧimarattar men qūrylystar boiynşa jobalau qūjattary joq, jeldetu jüiesı qauıpsızdık tehnikasynyŋ talaptaryna säikes kelmeidı. Ūŋǧymalardy jöndeu jūmystary kezınde ekologiialyq normalar saqtalmaidy, onyŋ ışınde ūŋǧymalardy jerasty jäne kürdelı jöndeu kezınde qorǧanyş plenkalary joq, üiındıler qoima retınde paidalanylady, lastanǧan topyraq uaqtyly alynbaidy. D.Hasanov Jaŋaözen käsıporyndary qyzmetkerlerınıŋ şaǧymdaryn tekseru mäselesıne jeke toqtaldy. Belgılı bolǧandai, ÖMG-nıŋ keibır merdıger ūiymdarynda zeinetaqy audarymdaryn 2-3 aiǧa keşıktırgen jaǧdailar bar, kölık qyzmetın ūsynatyn merdıger ūiymdardyŋ qyzmetkerlerı arnaiy kiımmen jäne tamaqpen qamtamasyz etılmeidı, üsteme jūmys uaqyty asyp ketken jaǧdailar tırkelgen. Ärbır atalǧan faktı boiynşa tiıstı şaralar qabyldanatyn bolady.
«Jalpy, jūmys jalǧasady. Būl anyqtalǧan jergılıktı būzuşylyqtardyŋ keibır mysaly ǧana. Jaŋa faktıler turaly bız jūrtşylyqty habardar etıp otyramyz. Anyqtalǧan būzuşylyqtardyŋ ärbır tarmaǧy boiynşa qūqyqtyq baǧa berıletın bolady. Barlyq jauaptylar qūqyq būzuşylyqtardyŋ auyrlyǧyna bailanysty jazalanady. Tiıstı qūjattardy qūqyq qorǧau organdaryna tapsyramyz», — dep tüiındedı D.Hasanov.
Ūqsas jaŋalyqtar
