Qazaqstan munaıyn Túrkııanyń Jeıhan portynan Rýmynııaǵa jóneltý bastaldy, dep habarlaıdy "Adyrna" ulttyq portaly.
Búgin «QazMunaıGaz» UK AQ Basqarma Tóraǵasy Maǵzum Myrzaǵalıev Túrkııanyń Jeıhan portyna baryp, «QazMunaıGazǵa» tıesili Rýmynııada ornalasqan «PETROMIDIA» munaı óńdeý zaýytyna Qazaqstan munaıyn jóneltý barysymen tanysty.
Jeıhan portynan kólemi 80 myń tonna munaıdyń birinshi partııasy otandyq ALATAU tankerimen Petromidia munaı óńdeý zaýytyna tasymaldanady.
Jalpy «Aqtaý-Baký-Jeıhan» baǵyty boıynsha jyldyq kólemi 1,5 mln tonna munaıdy tasymaldaý týraly bes jyldyq kelisim bar.
