Memleket basshysy Qazaqstanǵa resmı saparmen kelgen Chehııa Respýblıkasynyń Premer-Mınıstri Petr Fıalany qabyldady, dep habarlaıdy "Adyrna" ulttyq portaly Aqordaǵa silteme jasap.
Qasym-Jomart Toqaev Petr Fıalanyń elimizge jasaǵan alǵashqy resmı sapary ekijaqty qatynasty nyǵaıtýǵa yqpal etetinine senim bildirdi.
– Siz elimizge úlken bıznes-delegaııa alyp keldińiz. Eki el arasyndaǵy iskerlik baılanystar men yntymaqtastyqty ilgeriletýge paıdasy óte zor bıznes forým ótedi, – dedi Qasym-Jomart Toqaev.
Memleket basshysy Chehııa Prezıdenti laýazymyna saılanǵan Petr Pavelge quttyqtaýyn joldady.
Kezdesý barysynda saýda-ekonomıkalyq jáne ınvestıııalyq yntymaqtastyqty, sonyń ishinde kólik-logıstıka salasyn nyǵaıtý perspektıvalaryna basa mán berildi. Prezıdent cheh ınvestorlaryna jan-jaqty qoldaý kórsetýge daıyn ekenin aıtty.
– Chehııa Respýblıkasynan energetıka, mashına jasaý, kólik, aýyl sharýashylyǵy, qarjy, medıına ónerkásibi jáne farmaevtıka sekildi ekonomıkanyń túrli salalaryna quıylatyn ınvestıııany quptaımyz. Sondaı-aq elderimizdiń astanalary arasynda tikeleı áýe qatynasyn ashamyz dep senemiz, – dedi Memleket basshysy.
Óz kezeginde Petr Fıala Chehııanyń elimizben aradaǵy yntymaqtastyqty odan ári damytýǵa nıetti ekenin rastady.
– Chehııa Respýblıkasy Qazaqstanmen burynnan dostyq qarym-qatynas ornatqan jáne ony jalǵastyramyz dep senemiz. Osy kezdesýimiz belsendi baılanystarǵa tyń serpin beredi dep úmittenemin. Qazaqstan – biz úshin óte mańyzdy seriktes. Qazaqstan men Chehııa Respýblıkasynyń yntymaqtastyǵy Eýropalyq Odaq pen Ortalyq Azııa elderi arasyndaǵy qarym-qatynastardyń asa mańyzdy tireginiń biri sanalady, – dedi Chehııa Premer-mınıstri.
Sonymen qatar kezdesýde halyqaralyq kún tártibindegi ózekti máseleler talqylandy.
