Eldiń ońtústiginde terakt uıymdastyrmaq bolǵan sheteldik ustaldy. Bul týraly Ulttyq qaýipsizdik komıteti jazdy, dep habarlaıdy «Adyrna» tilshisi.
Vedomstvonyń málimetinshe, er adam qoldan jasalǵan jarylǵysh qurylǵyny qoldanbaq bolǵan.
«Budan bólek, astanada radıkaldy dinı uıashyq beıtaraptandyryldy. Onyń 8 múshesi terrorıstik topty qurý, terrorızmdi nasıhattaý jáne qarjylandyrý, sonymen qatar ózge de qylmystarǵa qatysy bar degen kúdikke ilindi. Osyǵan uqsas faktiler boıynsha jalpy 19 adam ustalyp, Qazaqstannyń taǵy 4 azamaty ártúrli merzimge bas bostandyǵynan aıyrý jazasyna sottaldy»,—dedi komıtettiń baspasóz qyzmeti.
