Жүргізушісіз автобус қағып кеткен тағы бір адам Шымкент ауруханасында қайтыс болды, деп хабарлайды “Адырна” ұлттық порталы.
Шымкентте жүргізуші қалдырып кеткен автобус құрбандарының саны беске жетті. Қазір 18 жастағы бойжеткен дәрігерлердің бақылауында.
Айта кетейік, оқиға 8 сәуір кешкі сағат 18:30 шамасында «Метро» сауда үйінің жанындағы екі көшенің қиылысында болған. Жүргізуші қалдырып кеткен автобус қарсы бағытқа шығып кетіп, жаяу жүргінші жолағында келе жатқан 6 адамды қаққан.
Салдарынан екі әйел мен жасөспірім оқиға орнында, кәмелетке толмаған қыз жансақтау бөлімінде көз жұмды. Ал 18 жастағы тағы бір қыз қалалық клиникалық ауруханаға жеткізілгенімен, дәрігерлер оны аман алып қала алмады.
