Memleket basshysy Qasym-Jomart Toqaevtyń atynan Aqordada aýyzashar berildi, dep habarlaıdy «Adyrna» tilshisi.
«Barshańyzdy qasıetti Ramazan aıymen quttyqtaımyn. Oraza qabyl bolsyn! Ramazan aıy – kúlli musylman qaýymy úshin erekshe ýaqyt. Jamaǵat osy aıda izgi amaldar jasap, mol saýapqa keneledi. Biz byltyr Aqordada alǵash ret arnaıy dastarqan jaıyp, aýyzashar berdik. Bul bastama óz jalǵasyn tabýda. Búgin meniń atymnan árbir oblysta jurtshylyqqa aýyzashar berilip jatyr»,—dedi Qasym-Jomart Toqaev.
Jıyn barysynda el basshysy ult mádenıetiniń mańyzdy ról atqaratynyn atap ótti.
«Jalpy, ult mádenıeti – halyq ómiriniń aınasy, onyń bolmysy. Elimizdiń rýhanı damýy ulttyq rýhqa tikeleı baılanysty.
Sol sebepti azamattarymyzdyń rýhy árqashan bıik bolýy úshin mádenıetimizge, ıaǵnı rýhanııatymyzǵa basa mán bergenimiz jón. Qazirgi tańda zııaly qaýymnyń qoǵamdaǵy róli asa mańyzdy. Mádenıet qaıratkerleri halyqqa, eń aldymen, óz týyndylarymen tanymal bolýy kerek, qoǵamǵa, ásirese, jastarǵa jol kórsetip, úlgi-ónege bolýy qajet. Jurtymyz zııaly qaýymnan sabyrlyqty, parasattylyqty kútedi»,—dedi Toqaev.
Prezıdent bir jyldyń ishinde elimizdiń qoǵamdyq-saıası ómirinde bolǵan aıtýly oqıǵalarǵa arnaıy toqtaldy.
«Jalpyulttyq referendým arqyly Konstıtýııaǵa ózgerister engizildi. Elimiz úshin asa mańyzdy birneshe saıası naýqan ótkizildi. Sonyń ishinde Prezıdent saılaýy jáne jýyrda bolǵan Parlament pen máslıhattar saılaýy bar. Bir sózben aıtsaq, qysqa merzimde óte aýqymdy jumys atqaryldy. Elimiz jańa dáýirge qadam basty, Ádiletti Qazaqstandy qura bastadyq. Qazaqstan – óz geosaıası aımaǵynda osyndaı aýqymdy reformalar jasap jatqan birden-bir el. Jańartylǵan Konstıtýııa jáne elimizde bolyp jatqan ózgerister – osynyń aıqyn dáleli. Biz osy reformalardy, jalpy aıtqanda, osy saıasatty mindetti túrde jalǵastyramyz»,— dep qosty ol.
«Aqorda» rezıdenııasynda Memleket basshysynyń atynan berilgen aýyzasharǵa memleket jáne qoǵam qaıratkerleri, ǵalymdar, dárigerler, muǵalimder, etnomádenı birlestikterdiń ókilderi, dıplomatııalyq ókildikterdiń basshylary, mádenıet qaıratkerleri, qutqarýshylar, eńbek adamdary qatysty.
