UQShU Bas hatshysy Imanǵalı Tasmaǵambetov Ýkraınadaǵy qaqtyǵysqa aımaqtan tys kúshterdiń belsendi túrde tartylatynyn aıtty, dep habarlaıdy "Adyrna" ulttyq portaly.
31 naýryzda UQShU jumys organdary basshylyǵynyń keńeıtilgen otyrysy ótti, onda uıymnyń bas hatshysy Imanǵalı Tasmaǵambetov kirispe baıandama jasady.
Sóz sóıleý barysynda UQShU jáne oǵan irgeles aımaqtardyń jaýapkershilik aımaǵynda qalyptasyp jatqan geosaıası jaǵdaıǵa egjeı-tegjeıli baǵa berildi.
Sondaı-aq uıymnyń jaýapkershilik aımaǵynda beıbitshilik pen turaqtylyqty qamtamasyz etý boıynsha tásilder tujyrymdaldy.
Bas hatshy qazirgi halyqaralyq jaǵdaı jahandyq jáne óńirlik qaıshylyqtardyń ulǵaıýymen sıpattalatynyn atap ótti.
«Osy turǵyda Imanǵalı Tasmaǵambetov UQShU ujymdyq qaýipsizdik aımaqtaryndaǵy jaǵdaıǵa egjeı-tegjeıli toqtalyp, olardyń árqaısysynda kúrdeli syn-qaterler men qaýipterdiń bar ekenin atap ótti. Shyǵys-eýropalyq baǵyttaǵy jaǵdaıdy tanystyra otyryp, uıymnyń Bas hatshysy Ýkraınadaǵy jáne onyń aınalasyndaǵy qaqtyǵystarǵa aımaqtan tys kúshterdiń belsendi aralasyp jatqanyn atap ótti. Barǵan saıyn jetildirilgen jáne kúshti qarý júıeleri jetkizilýde. Baltyq elderinde, Polshada jáne Qara teńiz aımaǵynda NATO-nyń áskerı áleýetiniń buryn-sońdy bolmaǵan artýy baıqalady», - dedi Tasmaǵambetov.
